ديوان كسرات صقر المقرح

خللك مع النفس في حيره= تعِبت احذرْك من كم يوم
الشك يا صاح والغيره= تقطع حبال الموده دوم

غالي صفق بالخفوق وراح= واليوم أحصد نتائجها
من بعد ما سبب الأجراح= روّح وانا صرت اعالجها

باي باي ياحْزاننا روحي= ما عاد لك شئ في دنياي
فضّلت أصبر على جروحي= ولا اجْرحه لو يطول ابكاي

لا زلت أسهر معاه الطيف= وكل الظروف اللي عشناها
ما كانت إلاّ سحابة صيف= وحنا قدرنا إنتفاداها

من أجله العرف والساير= ما بوح سدِّي ومكنوني
أصبر على قسوته حاير= ويتهامل الدمع فعيوني

تنامه الليل يا حليلك= واسامر اسهيل ليلاتي
ما ودِّيَ ازعجك واحكيلك= قصة وله زوّد آهاتي

كل ما هجر آسري واشتقت= طيفه يجيني في احلامي
ما ينحسب ما مضى من وقت= قبل اعرفه مصدر الهامي

غالي وفيك الأسى مخزون= مدري متى تُقشع اغيومك
ما اطيق أشوف الغلا محزون = قلبي ايتكدّر من اهمومك

ساعات قاعِد اطفّي شموع= ولّعتها لأسعد اللحظات
ودم طرّزت معْه ادموع= تبكي على ودِّيَ اللي مات

كنت ألتمس لك من الأعذار= واخفي لهيبي وأشواقي
وهاذي النتيجة من اللي صار= صدّك كسر شيّ فاعماقي