. . . (شيَدت له موطن عظيم ونفاني= وشتت أحلام الصبا وإحتويته ) . . . !!

	المشاركة الأصلية كتبت بواسطة منصورالمعمري

	مساءكم سكر : . . انا كذا لاضاق فيني زماني= وجهت وجهي للكريم ودعيته إنه يحقق لي كبار الاماني= ويحيي ( الآمال ) اللي من العام ميته ويفكني من شر زلة لساني= ويسهّل الدرب الذي قد مشيته للغالي اللي قبل ماانسى نساني= وانا لو انسى كل شي مانسيته لإنه أول من تركني اعاني= ولإنه أكثر من لقلبي شكيته والقلب وش هو غير ( بحر ومواني )= والحزن وش هو غير ( حلم وبنيته ) والمترف اللي لاطلبته عطاني= ياما من جزال القوافي عطيته يغيب وألقى موطنه بالمحاني= كن الخفوق بكل مافيه بيته أحس معه الحب له شكل ثاني= أجمل من اللي في خيالي هقيته شيَدت له ( موطن عظيم ) ونفاني= وشتت أحلام الصبا وأحتويته ونظمت في وصفه جميل المعاني= وقلت الفرح ليل لعينك سريته علمته انه لو يجي في مكاني= بعت ( السنين الباقية ) وأشتريته عابث وإذا ضاعت دروبي لقاني= ويضيع لكن لابغيته لقيته وإن كان طال الوقت مارحت جاني= كنه يحس اني هناك أحتريته محبته تزداد مثل الثواني= والقلب لولا عشرته مانهيته . . وسلامتكم ... منصور المعمري 6/7/2008م

صح لسانك اخوي يامعمري على القصيده الجزله من شاعر جزل مثلك .
لك كل الود والتقدير