رديّة بيني وبين الشاعر محمد الجحدلي

=
سـلام وآخصـه قبيلـة محمـد=مصلح على رآس القبيلـة معمَـد
له فالمراجل أرصده مـا تجمَـد=عزٍ تنامى والمعـزه لهـا جـا ه
=
ارسلت له مندوب وبخـط يـدي=رسالـةٍ تحمـل هواجيـس ودي
أثني وأثنـي والثنـا مـا يسـدي=في رمز شآمخ والتَشامخ فمبنـاه
=
صغت القوافي صوغ يشبه ذهبها=وارسلتهـا للنـار قابـس لهبهـا
هديـةٍ منـي بحالـي رطبـهـا=تاصل مع اللي كل مسرع تعـداه
=
ويوم افتكر يالذيب ويروح فكري=فكري وبناته وما كتمته فصـدري
وآعيش لحظه بين كسرٍ وجبـري=آشوف انا الدنيا واحس المعانـاه
=
واقعد أركز مـع جميـع الزوايـا=وعيني على صاحب رفيع المزايا
هذا جليسـي يـا سليـم النوايـا=وقلبي على طِيب الرجاجيل معناه
=
الصاحب اللي نفتخر في وقوفـه=ولاجاك علمٍ ما يهزهـز كتوفـه
يلمع كما تلمـع بـوارق سيوفـه=هذا صحيبـي مكسبـي واتمنـاه
=
وآشوف يا مصلح جديد العوايـد=ما اشوفها ألا كنها خيـش بآيـد
وألا النواقص بين ربعـي زوايـد=انقيسهـا سابـق تقـدَم بيمـنـاه
=
شفته ياخويه فالبقاله كمـا طيـر=منتوف ريشه يحسب إنه على خير
ولا قلت له يالطير جاوزت فالسير=قـوم عليـه دعوتـه بالمحمـاه
=
هذا زماني شفت فيـه العجايـب=والحمد لله مـن يحدثـك تايـب
ويـارب جنبنـا دروب النوايـب=واحمي عربنا وانت شايف وترعاه
=
وهذا ردلي على الجحدلي=
الله يحيي من بعثلي جليسي=في محفل القيفان دايم عريسي
محمد اللي ما يهاب الو طيسي=الجحدلي من مر بالخبت يلقاه
=
غني عن مدحي ببعض التفا صيل=لا صار جدانه أهل سبّق الخيل
وهذاالشبل من نسل ذوك الرجاجيل=يا حظ من في مجلسه زان مركاه
=
في مجلسه تلقا الدلال المبا هير=والعود الازرق ريحته تطرح الطير
ويعطيك من جزل المعاني نواوير=يالله من عين الحسودين تاقاه
=
يا صا حبي جارت علينا الليالي=وذي عادت الايام يا هملالي
كم فرّقت ما بين غالي وغالي=ما فيه حي ألا تحدّه وتشناه
=
والعبد ماله غير ما يكتب الرب=ومابه عن المكتوب يا صا ح مهرب
خل الطبيب وخذ كلام المجرب=هجر الحبايب ما خبر حي يقواه
=
لاتقولي أنته تدور المصايب=جتني على حدي ظروف ونوايب
في ساعة الرحمن وابليس غايب=شياً يخلي كامل الفكر ينذاااه
=
ما شفتها يا صا حبي عند بقال=والا تسكّع في مـــحلات جوال
أبو ي حذرني من دروب الانذال=واختار خالي واقتفيته بممشاه
=
أنا حلمت الشمس صار بيمناي=العبها يمين وإقبال واقفـــــــــاي
وان سرت سارت خاضعة تتبع اخطاي=واللي كذب بالحلم يا كبر بلواه
=
وقال اسمها كذا كذا بنت لفلان=وعرفت من بعض التفاصيل عنوان
حلمـ(ن) يخلي صا حب العرف حيران=وسألت واليا الحلم صا دق بحليااااااه
=
ومن بعدها يا صا حبي صرت حيران=ومااقدر أصارح شخص في كل ما كان
وكتمت سري لين سر الخفا بـــــــــــــان=والخلق سبت بالنبي كامل الجـــــــــــاه
=
وشاور ت عطبين المضاريب شرواك=وكلمن نصيته قال لي هذ!!!! دعواك
وليا سمعها قال يا شين وش جاك=لا عدت يا شاعر بلشنا بدعوااااه
=
يا لجحدلي وش عاد تبغاني آقول=والآدمي على التصا نيف مجبول
يسأل الياما الناس تدعيه مهبول=ومن لا سأل عن دربه اللي يبي تاه
=
أرسلتهالك مع شبح فوق الالفين=راعيه يمشي ميتين وثمانين
مشى(12) ويا صلك قبل ثنتين=وحتى المراكز عندهنم مني اوصاه
=
محد(ن) يقف في خط راع الرسالة=حتى الشبح يمشي طريقه لحالـــــه
لا ما يصل را ع العلوم الجزالـــــة=الجحدلي في مجلسة وافي الجـــــاه
=
وصحيت من حلمي ولا الناس غافين=والجو هادي والاجاويد ها ديـــــــــــن
وصلاة ربي عدماقالو آميــــــــــــــــن=على شفيع بساحة الحق ننصـــــــــاه
شعر مصلح المحمدي=