((مليون)) رساله إلى غائب

الرفقة اللي مثل رفقتك ما ابغاهـا=موجود وقت الرخا وتغيب بالشـده
ترى علاقات مثلك نعرف اقصاهـا=في حزة الحزم والازمات ما نعـده
صداقتك يالدوينـي مـا حسبناهـا=ترخي بحبل الصداقة نوب وتشـده
ننصى رجال الى منـا وصلناهـا=كن البسيطه بزين الـورد ممتـده
أهل المواقف بوقت الضيق ننصاها=اللي لهـم بالشدايـد هـده ومـده
حنا رجال هل المعـروف نجزاهـا=من قدم اليوم طيبـه بكـره نـرده
الى بغينا هـل الفزعـات نلقاهـا=والا انت فعل الجماله ما انته بقده
مثلك علومه بوقت الجـد ينساهـا=لا جاه محتاج كنه صافـق خـده
يموج مثل المحاله لا افرد رشاهـا=ويكرر العذر ميـر العـذر ماسـده
ترى الجمايل صعيبه لـو تمناهـا=يامن لبس له عباة ماهـي بقـده
فرق اطيب الناس يابعده عن ارداها=ابعد من بقيق عن غربي بحر جده
=نداء الغيداني