][ أقلام وراء القضبان حتى ؟؟؟ ][

	المشاركة الأصلية كتبت بواسطة مضحي بن جمران

	السلام عليكم ورحمة الله وبركاته صباح الخير ياجماعه وش رايكم باللي يسلم نفسه على طول ويمتثل للاوامر وانتم اهل العدل والعداله وانشاء الله انكم تعاملوني معامله طيبه والمتهم بري حتي تثبت ادانته بس لي شرط بسيط اذا يجي زاير بهذا الاسم / جريح الفرقا فتشوه زين لايكون معه كامره ويصورني وبعدين يرسل الشريط لبرنامج صادوه وانا اعرفه زين يسويها لاكن انتبوا منه هذا الشخص بس,اسمه مره ثانيه ((جريح الفرقا -جريح الفرقا -جريح الفرقا احذروه وهذي هديه متواضعه للمعازيب اللي انا ضيف عندهم وكذلك للزوار الكرام سلام ينساق سوق مبهرات الدلال=صفر(ن) خلط هيلهن مع زعفران(ن) حمر ياصحابنا اللي لكم في كل جزله مجال=يابدو لو البداوه مابقاله عصر يابدو مامثلكم فوق البسيطه رجال=ياكود من ساسهم منكم وصارو حضر ياهل الكرم والشجاعه والوفاء والعدال=هذي لكم كلها وابصم لكم بالعشر يابدو ياللي فتنكم ربنا فالحلال=لولاه يابدو مبطي واصلين القمر بس التهيتم وراء طرد الغنم والجمال=طافت عليكم دروس وراح بعض النمر اهل الشهادات في منصب وتحت الظلال=والمنسدح ينسدح وألا يموت بقهر العلم يبني بيوت العز فوق الجبال=والجهل واضح من اسمه واعرفه ماعمر تسلحو والعلوم سلاح مثل الريال=ومن لاصبر للغريسه كيف يجني ثمر مع طيب الخلق والعفه وحبل الوصال=لاينقطع لو على شانه وطيتم جمر والدين هذا سنام العز في كل حال=اطاعة الله واجب ثم ولي الامر والباقيه باقيه والفانيه للزوال= والثانيه والدقيقه من حساب العمر سجينكم الضعيف لله / مضحي بن جمران الحربي

صح لسانك يابو احمد
قصيدة جزلة من جزل حملت في طياتها الكثير من المعاني الفريدة التي لايصطادها
الاشاعر متمرس اضافة الى بحرها وقوافيها التي زادتها جمالا
هذاناهيك عن مافيها من معن سامية لعل من اهمها العلم ولولم يكن فيها غير العلم لا كفى
والفضل يعود لهذا السجن الادبي الذي فجر الطاقات الكامنه لشعراء وادباء المنتدى
فأخرجوا مافي جعبتهم بأسلوب مرح ولطيف اضفى على ماقدموه نكهة مميزة
تجمع الجمال والفن والادب