الشاعر اللي سمع يهل المعرفه واللي قرى

مغير امد الشـوف مابيـن الثريـا والثـرى=ولا تستريح النفس لين اشوف بالعين السحاب
والشاعر اللي سمع يهل المعرفه واللي قـرى=يجيب عن حمل الاناث بوقتنا التالـي جـواب
يالي تمد الشـوف مـده وانـت لـك علم(ن)طـرى=واللي تباه النفس يابو حرب مـن ضمـن الغيـاب
ترى الحياه ادروس واصحى لزمـان الاقشـرى=واهل المعرفه ياصحيبي من على وسق الركاب
خلك مع الطيـار ياطايـر ليامنـه سـرى=ثم (ن) تلفت والنظر ديره وفكر بالزهـاب
مدري تأيد ميد الموضوع والى اللي زرى=كان انت يارجال رجال (ن) تسلمت الخطاب
اللـي مشـى قـدام يابـو حـرب مايرجـع ورى=وانته تعرف العلم وتعرف الخطيه والصواب
يالـي تخيلـك بـروق اتلـوح والـبـارق ســرى=لا تتبعه ياصاحبـي خلـك علـى حيـد الجنـاب
ماعـد انــا ويــاك يـارجـال بالـخـط اخـشـرى=ودك ونـا ودي ولكـن ماحصـل يابـو الشبـاب
مادم ماعلمتني بالعلم عـن شـي (ن) جـرى=اوداعة اللي لا ستغاث العبد يرجيه استجاب