][ أقلام وراء القضبان حتى ؟؟؟ ][

انا لم امر بمثل هذه التجربه ولله الحمد .
لذا حاولت ان اكتب لكم هاتين القصيدتين المتواضعيتن ارجو ان تحوز على رضاكم .

شينه ليا بار الصديق بصديقه = خان الموده والوفاء والصداقه
اللي قبل مده طريقي طريقه = اليوم غير سيرته واتفاقه
عقب المعزة والحبال الوثيقه = اقفا بدون اسباب والعهد باقه
وانا ما ادور من يخون برفيقه = من يتبع المقفين قطّاع ساقه
من صد عني قلت له في حريقه = حتى لو انه من خيار الرفاقه
مهما حصل تبقى الحقيقه حقيقه = لو زيفت يا اهل العلوم الرقاقه
هذا الصحيح اللي عليه الوثيقه = بعض العلاقه ماتسمى علاقه

وهذي قصيده ثانيه . بس لا تسجنونني مره ثانيه

الصداقة لها قدر ومقام ٍ كبير = مايحافظ عليها غير رجل ٍ صبور
ولا يخون الصداقة غير رجل ٍ حقير = مثل شرواك ياللي ماتحسب الامور
ماتقدر صداقتنا ولا فيك خير = عقب طول الصداقة بان فيك الغرور
اشهد انك دويني يا عديم الضمير = واشهد اني معك ماجاك مني قصور
عقب ما انته كبير ٍ صرت عندي صغير = ياضعيف العزوم وياقصير الشبور
الصداقة تبي اللي بالصداقة جدير = لو تطول العلاقة مايلف ويدور