يحسدوني على شاني أميرة= وقبيلية من اعز القبايل

ياااهلا والله وغلا بك يالشاعره والله ومن دون اي مجامله قصيده من اجمل ما قرأت
تقبلي خالص شكري ومروري البسيط بهذه المجاراه والتي كانت كيبورديه وفي انتظار جديدك وانتي والجميع بألف خير


هلا والله بـفـــرحتــنا الكبيـــــــره
ومزيـــــونه من اعز العــــــوايل

تشـــــرفنا بطلتــــــها المثيــــــره
وقصيـــــدتها بها شبّــــت فتــايل

وانا نفسي بعشق الشعر اسيـره
وسوّت بي قصيــــــدتها فعــــايـل

توصّف بعض سيـــرتها العطيـره
اصيـــــله ماتقــــول الّا الجزايل

شكت من وقت ورّاها سعيـــــره
وطبع الوقت لو بيـــزيـــن مــايل

نروح بــــوقتنا همــــّن وحيـــــره
ونــــرجع للولي والدمـــع سايـل

يخـــــارجــنا ويكتـــب كل خيــــره
وتقوى الله من خيـــــر الوسايــل

هـــــلابك تنوريـــــن لكـل ديــــره
بعـــــز وكنّــــك امطار المخــــايل

هـــــلا ياشـــــاعرتنا وياخطيــره
قســـــــم بالله يامثـــــلك قــــلايــل

بحــــــر والله قصيــــدتك وغزيره
وبها الابــــداع والاحســاس هايل

ويـدك اللي ترايـــــــالك قصيـــــره
طويـــــله مــاعليــــها شئ طـــايل

عسى الله يرحم الشـــايب وخيــره
تركك بعـــــــز واخــــلاقك مثــايل

رفعك الله عن نفـــــسن كسيـــــره
ولاشفــــــتي عن العـــــزّه بدايـــل

عزيـــــــزه والله وعنـــدك عشيـره
يديـــــــن ودرع يــــاست الفضــايل

هلا وبختـــــامها كـلـــمه اخيــــره
قصيـــــدك جــــزل يابنت الحمــــايل

فاصله:قليل البنات اللي يكتبون بهالجزاله والله فهي فخر للمنتدى...

صراحه هذه القصيده من اجمل القصايد قصيده رائعه فعلا وتستحق الاشاده
واذا كانت هذه القصيده من عنصر نسائي فكاتبتها شاعره مبدعه
وأتمنى استمرارها ونشر قصائدها وجديدها
وعلى ماقال المريخي اهني بنات حوا
شكرا للشاعره والقبيليه والاميره والمبدعه
وفعلا انا من اللي يحسدونها فقط على هذه القصيده
تحياتي لها وللجميع