"+ليا كف راعي المعرفه كف يمناه+" محمد المسعودي الهذلي وحبيب العازمي

هذه محاورة جمعت بين الشاعر ين محمد المسعودي الهذلي والشاعر حبيب العازمي
محمد/سلامي على منهو دعا نا وجيناه
وعم الحضور من العرب بالسلامي
سمعت المغني من عصر واعرف اغناه
ولاحد يارد الجم ويروح ضامي

حبيب/هلامرحبابك في اول الليل وادناه
على سفرة فيها شراب وطعامي
بعد رحت عنا روحت مقيط وارشاه
معاشك على الله يالجراد التهامي

محمد/ترا الصقر صقر ويقنعه صيد يمناه
وميسمك وسط النار ياذيب حامي
حبيب تقافت به وقفت عشاياه
وانا ماحضرت الامجود حزامي

حبيب/تراالذيب ذيب وياكل العنز والشاه
ليا اوحيت صوته لاترد الكلامي
محمد يشيل الغرب وحمود يملاه
وعود سوات بعير ماله سنامي

محمد/عسى الله يرحم ذيبكم ما اسمع اعواه
من اول يلج اعواه في كل عامي
ليا كف راعي المعرفه كف يمناه
لعل العلوم اتصير شرق وشامي

حبيب/ عسى الله يرحم واحد مالحقناه
زبنا الصور ماعوضت في الاسامي
ويابيت ياللي دمر الريح مبناه
لقينا على مدخلك جرة حرامي

محمد/ ليا ماعرف معناه جمدت معناه
ولاعاد يكتب له صلاه ولاصيامي
ندور على المهجور بكره ونلقاه
تفقد عضامك لاتفقد عضامي

حبيب /تريح واليا ناديتك اشوي قل هاه
وهذا من التقدير لك ياغلامي
عضامي سليمه وادعس الداب واطاه
ولاكن انته ثلث وماتبقى عدامي

محمد/ابا اسري واخلي كل طرقي ومسراه
ويا مطيب التقدير والاحترامي
عميلي حبيب عارف داه ودواه
واشوف العلامه في جناح النعامي

حبيب/ ترا اللي يجيب الطيبه ماكرهناه
وعند المعاند ماعلينا ملامي
محمد محمد خالق الخلق سواه
وطول رموشه مثل ريش الحمامي

محمد/ كتابك ليامنك كتبته قريناه
ويشهد على جنب الشجيع الوسامي
حبيب عطاه الله واكثر عطاياه
عليه الوصايف مثل زهر النوامي

حبيب/ قريتو كتابي لين رحتو ضحاياه
ودق السوالف مثل دق الوشامي
انا ابا اخطب العذراء على سنة الله
وابا اشري لها خرسين ماس وزمامي

محمد/ياليتك غطيت القدر عن كشفت اغطاه
اخير لك من نخوة خوال وعمامي
انا اظن منته كفو دله ومقهاه
يبالك بعير اتقوده بالخطامي

الله الله أبدااااااااااااااااااع وجزالة عمالقه والمعنى نصيبه نصيب الأسد ...

صحت ألسنتهم وبالأخص محمد المسعودي خليفة عبدالله المسعودي اللي أفتقدناه فالأونه الأخيره ...

لا هنت يالهذيلي على هذا النقل الممتع ...

تقبل مروري المتواضع ..

خالص مودتي ...

صح لسان الشاعرين / محمد المسعودي

و حبيب العازمي


محمد المسعودي شاعر قوي بماتعنيه الكلمة ... و لكن وجوده نادراً على ساحة المحاورة

و مشكور على النقل يالهذيلي

صح لسان الشاعرين
وبيض الله وجهك على النقل الرائع .

	الله يـعـطـيـك الـعـافيـــــــــــة بيض الله وجهك

الله الله
محاوره جميله جدا
سلمت اناملك لنقلك لهذه المحاوره
تقبل مروري بود

شاكرين لكم على مروركم ومحمد موجود في الساحه لكن ليس بالصوره المطلوبه

الهذيلي

بيض الله وجهك نقل رااائع ومحاوره رااائعه

يعطيك العافيه

تقبل تحياتي

أشكركم على مروركم العذب .

تحياتي .