ديوان الشاعر محسن بن حويان الغيداني

يابوفـهـد لـوفـي مــن الــود لـوفـاه=لوف الهـوى للطارفـه مـن شجرهـا
عـلـى ولـيــفٍ مارضـيـنـا بـفـرقـاه=لاشــك مـافـك الـحـذر مــن قـدرهـا
يـوم الدهـر ماطـاوع النفـس طعنـاه=ونصبر علـى مـر السنيـن وكدرهـا
يـوم انـت تخبـر ذيـك الأيـام عفنـاه=ايـــام عـنــدك يالسـنـافـي خـبـرهـا
اقفيت ماأبغـي لـه طريقـه ولا ابغـاه=مـحــدٍ يـحــب وحـالـتـه ماسـتـرهـا
وانـا أحمـد الله كـل مقـصـود نلـنـاه=وأثني على منشي السحاب ومطرها
أخوك بأحسن حال من فضل مـولاه=لكـن ياطـول أيـامـه الـلـي صبـرهـا
عــن الـلـذي لايمـكـن أدلــه بـلـيـاه=وانـــا جـزيــت ولاتـهـيـا سـفـرهـا
بــس أتخـيـل مــا مـضـى وأتـمـنـاه=وأعـد سـاعـات الـزمـان وشهـرهـا
وصلاة ربـي عـد مـن حـج لرضـاه=على النبي صفـوة قريـش وبشرهـا