][ مواقف لا تُنسى ][

تبين اية قصة

آآآآآآآآآآه الي بالي بالك

( معليش داخل غلط )

زين انا عندي موقف اقوله ولا اتحرى صميم تجي

هذا سلمكم الله صارلي موقف لا احسد عليه فعلاً احيان

اجيبها عميا يعني على قولتنا اجيبها مطبله

المهم عندنا بالعمل كل واحد عنده جهاز كمبيوتر يكون عنده

إيميل رسمي لمهام العمل المهم

بالعادة تجينا على الإيميلات اخبار عن الي يتوفون بالعمل من الزملاء

أو اقاربهم

يعني مثلاً انتقل إلى رحمة الله والد الزميل فلان بن فلان

وبالعادة انا بس اقراها واحذفها يعني ناس ما اعرفهم

وذاك اليوم بعد المغرب اقرى الإيميل

واطالع إلا وصديقي بفرع في مدينة مكة أن الرجال توفى

يا ولد وانا قسم بالله ما ادري وش صابني

والله واشوف الرقم وادق على صاحب الرقم

السلام عليكم عظم الله اجركم

قال الي رد علي الله يجزاك خير

طبعاً أنا عرفته بنفسي واني زميل للمتوفي

وتلخبطت فالكلام والله اتصل على احد الزملاء بقسم ثاني

يا ولد ما دريت فلان توفى شكله صاير له حادث وهو جاي من مكه لجده

الرجال ما صدق قالي يا نعيم الرجال توه مكلمني قبل يومين انت متأكد

قلت إي والله متأكد ما قريت الإيميل

قال لا والله ما قريت الإيميل قلت له المهم شوف وين العزى عشان نجي نعزي

وانا بهذيك الساعة منقلب حالي

بعد يمكن نص ساعه دق علي قالي الله يهديك يا نعيم الي توفى جدته انت ما تقرى زين

وانا لكم أنكم تتخيلون وشلون صار وجهي

والرجال والله من قوة الأحراج ما قدرت ادق عليه

لا وبعدها يمكن بإسبوعين يدق علي واتعذر منه

( عاد تدرون لا احد يمزح معي بعد كذا )


ابو بتال