افتح مخازن بيوت الشعر يالافي

هذه القصيده موجهه للاخ الشاعر العلم لافي الغيداني 0ووصفاً مختصرا لقصائده0

من شان ناسٍ جلوس0وناس وقافي=هات القصايد من اولها الى اتلاها
افتح مخازن بيوت الشعر يالافي=وقل للمعاني تجي وتمد يمناها
على رجالٍ لهم بالشعر ميقافي=ناسٍ تعرف القصايد ويش مغزاها
خل القوافي تجي قافٍ ورى قافي=وتصافح اسموع ناسٍ جات تبغاها
في شعرك العذب لطف جونا الصافي=خل الفرايد تعانق من تمناها
يامصخر الشعر هات افراد واردافي=قل للشوارد تحول عن مطاياها
يالشاعر اللي رزين ولا انت مزهافي=تعرف جزال القصايد وين منصاها
قصايدك ياوسيع العرف لاهدافي=كل يحاول يحلل ويش معناها
قصيدتك لو توصف وصف ينشافي=تشدا رياضٍ زهور العشب تملاها
ومن كامل الزين فيها بعض الاوصافي=تشبه لوضحاً شمالي نجد مرباها
من ابل الطهيمي قراها كنه سنافي=ماسوقت مع رعايا البدو حلياها
فازت بكاس المزين شقح الاشعافي=وجوها هل الصنف مير الحربي أغلاها
سيمت بليون مع مليون له صافي=ثم صد واقفى عن اللي جو لشراها
اقفى بوضحاً عليها القلب ينلافي=لوفه على اللي يعيش أيام ذكراها
وتشبه لعنقاً عليها لبسها الضافي=سبحان منهو بصاف الزين سواها
مشهورةٍ بالجمال وعقلها الوافي=تسبى عقول الرجال وتخلف ارياها
لو شافها اللي بوسط البيت يطافي=يتوق عقله وبأعلى صوت ناداها
وان سولفت من سمعها قال ياكافي=تحكي بصوتٍ يخل الناس تهواها
تسحر سموع البشر في صوتها الدافي=كم عاقلٍ يختلف عقله ليا اوحاها
في منطقة نجد مترامية الاطرافي=مابه مثيله من اقصاها ليا اقصاها
عاد انت00شعرك جماله وافي وكافي=لو جيت اوصف جماله كنه اياها
يالشاعر اللي بخيص وتعرف اهدافي=بعض الاوادم لزوم اتحقق ارضاها
مستودع الشعر ولع نوره الطافي=وارفع بصوت القصايد تحفظ اسماها
وان كان فيها صعوبه مابه اخلافي=دون قصايدك لاجل الناس تقراها
بالشعر والطيب وعلوم الوفاء وافي=منابع الطيب مصدرها وملفاها
الطيب توفي حقوقه وانت تستافي=مواري الطيب في شرواك نلقاها
ياسامع المدح مدحك ماهو بخافي=قالوه قبلي رجالٍ عند شرواها
لوجيت اعدد صفاتك خانني قافي=اخصال طيبك يعجز القاف ما احصاها
والخاتمه في البدايه قلت0يالافي=قل للقصايد علينا تمد يمناها
وقل للقوافي تجي قافٍ ورى قافي=وتصافح اسموع ناسٍ جات تبغاها
من شان ناسٍ جلوس0وناس وقافي=هات القصايد من اولها الى اتلاها

[/poem]

يالشاعر اللي بخيص وتعرف اهدافـي بعض الاوادم لزوم اتحقـق ارضاهـا
مستودع الشعر ولـع نـوره الطافـي وارفع بصوت القصايد تحفظ اسماهـا
وان كان فيها صعوبه مابـه اخلافـي دون قصايدك لاجـل النـاس تقراهـا

والنعم فيكم ياخوالي وصح لساانك يانداء وبيض الله وجهك ويستاهل ابوحمود

الشاعر القدير
نداء الغيداني
صح لسانك صح لسانك
قصيده جزله ووافيه
حملت كل معاني الابداع والجمال
بيض الله وجهك
على هذه الدرر
وعسى عمرك طويل يابوسامي
والله يطول بعمر الشاعرالعلم لافي بن حمود الغيداني
الله يطول بعمر ابوفواز ويحفظه
الشيخ الكريم الشهم/ عليان بن راشد الطهيمي الفريدي الحربي
وننتظر ابداعاتك الشعريه

صح لسانك يالجزل ولافي الغيداني شاعر قدير وعلم من اعلام القبيله ويستاهل


تقبل مروري

فهد البيضاني

مساءك سكر :


الرائع والجميل أدباً وفكراً وشعراً : نداء الغيداني

قصيدة عانقت السحاب .. صح لسانك بليار مع مليار .. شاعر أعتبرك أهم مكاسب الملتقى ..

لاغرابة هذا الابداع فانت من الغيادين أهل الشعر والطيب من غير قصور بباقي القبايل ..

تحية بحجم معزتك ... تقبل ارق وأصدق تحياتي ..

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

وحيد الجزيرة

صح لسانك يانداء

لقد أبدعت جدا ووصفت شعر رجل يستحق أن نحفظ قصائده في الصدور فهو المعين العذب للشعر الحقيقي .
يستاهل ابو حمود وانت وافي

صح لسانك يانداء , انا اصنفك بقامات شاعرنا الكبير وسفيرنا المشرف لافي حمود
لك تقديري واحترامي دمت مبدعا

صح الله لسانك
ولاهنت
وسلم فكرك وبنانك
دمت برعاية الله وحفظة

	صح لسانك مليون على القصيده والله يـعـطـيـك الـعـافيـــــــــــة بيض الله وجهك