حيــــــــــــــــــــره

أقتباس من قصيدة
حنان الحربي
[align=center][align=center]

نامت عيون الناس وأنا محلي=اراقب أنجوم الفضا والمجره
ما ذاق جفني نوم من جرح خلي= وماهو بداري عن عذابي وحره
واصبح مثل في خاطري مستقلي=جلد ٍ ماهو جلدك على الشوك جره
غالي ولكنه يحب التغلي=ولا فيه شي ٍ من كلامي يسره
مدري من الغيره وش اللي حصلي=بس الأكيد انه بعيني مقره
شهرين غايب عن عيوني وقلي=وش ذنب خفاقي بهجرك تضره
دايم تجي نصفك وانا اجيك كلي=وتزعل عليّه مره ٍ بعد مره
واقول انا يا بنت جعله يولي=وأرتاح انا منّه بحلوه ومره
واحيان ٍ ادعي له ليا صرت اصلي=واحيان ٍ أغتابه على حين غره
واحيان تفكيري يردّد وش اللي=وش شفت من خيره يقارن بشره ؟

صح اللسانك حنان وسلم فكرك وبنانك
قصيده أكثر من جميله بيوت شاعره متمكنه
يعطيكي العافيه تكرار ومرارتحياتي