مواصفات شريكة حياااااااااااااااتي

السلام عليكم ورحمة الله وبركاته
قصيده ارسلتها لوالدي الله يغفر له ويرحمه ورديت على لسانه امل ان تنال رضاكم

يابوي انا منيتي بالقلب مرهونه=فالغرب ما تنوجد والشرق مشرقها
من بعد عصر الحضاره زادت طعونه=الدش والنت بالافكار تغرقها
ماكل عذراء تشوق القلب مصيونه=ولاكل عذراء تبا تقدر تصدقها
بعض العذاراء قليلة دين ملعونه=ماتعبد اللي من الانعام رازقها
والبعض الاخر خفيفة عقل مجنونه=باعت شرفها على شخصٍ معلقها
وفيهن تلاقي خبيثت طبع مسكونه=فالسحر والشعوذه حطت مطارقها
واما بعضهن تحب السوق وركونه=تهوى الغزل والغزل نهجه موافقها
وبعض العذاراء جديد اللبس يشرونه=اتشيل وتحط والدنيا تزبرقها
وايضاً بعضهن تحب الفن ولحونه=ترقص على طبله الفنان طارقها
واخرهن اللي تحب النت وفنونه=دايم على الخط تطلب من يصادقها
يابوي انا شف بالي بنت مزيونه=تعرف سلوم العرب وتطيع خالقها
خفيفة الدم بالقران مفتونه=ولوالديني تطيع وزين منطقها
من بيت طيب كرام الناس يلفونه= عريبة الساس تحفظ سر عاشقها
حنونة القلب للاسرار مأمونه=للخير تسعى ولا عذراء تسابقها
رهيفة الحس بالاخلاق مقرونه=فيها الادب والحلا والصدق يسبقها
عزيزة النفس حساسه ودندونه=وسيعة البال والبسمه تعانقها
هذا منايه ياليت الناس يوحونه=عز الطلب يا عسى ربي يحققها
واللي وجد منيتي مادوني ودونه=ون كان مافيه ليش النفس نحرقها

رديت على لسان والدي رحمه الله

جاني جوابك وعلمك بان مضمونه=السالفه واضحه ودك تعلقها
وصفك تعدي الخيال وضاع قانونه=اوصاف ياكثرها والناس تعشقها
ما فيه عذراء بنفس الوصف في كونه=شفك لقيته واوصافك ترافقها
الزين في جنة الرحمن تلقونه=الحور وصفك يابن لافي يطابقها
هذا جوابي وكل الناس يقرونه=الوصف تعجيز والابواب تغلقها

وسلاااااااامة قلوبكم

((((1))))
حجز مع مرتبة الشرف
صح لسانك ياسعد ورحم الله والدك واسكنه فسيح جناته
عزالله انك ابدعت بكل حرف كتبته

والله يوفقك وتحصل عزيزة نفس وحساسة ودندونه ويجمعكم بخير
تحياتي لك.....,

صح لسانك أخوي لافي
قصيدة رائعة بمعانيها و صياغتها

صح لسانك أخوي لافي

قصيدة رائعة بمعانيها و صياغتها

صح لسانك وبيض الله وجهك

قصيده رائعه بكل معانيها وحروفها المضيئه

أستطيع أن أقول أن هذه القصيده بنيت على أساسات راقيه

ومبادئ نادره جداً

رحم الله والدينا ووالديك

وأعتقد أن تثبيت مثل هذه القصيده لا يختلف عليه إثنان لمدة ثلاث أيام

تحيتي وتقديري

	صح لسانك مليون على القصيده والله يـعـطـيـك الـعـافيـــــــــــة بيض الله وجهك ورحم الله والوالد

صح لسانك قصيده رائعه
من شاعر مبدع
تحياتي

صٍْحٍّ لسٌِِّآنْكَ وٍسٌِِّلمً بٌَِنْآنْكَ

قٌٍصٍْيَدًٍة رٌٍوٍعًٍهٍَ بٌَِرٌٍوٍعًٍة حٍّضًٍوٍرٌٍكَ

دًٍمًتُِِّْ بٌَِخٌِيَرٌٍ

صح لسانك وانا اخوك على هلقصيدة الأكثر من رائعة

ابيات في غاية الروعه

الأخ : سعد لافي

الله يرحم والدك ويسكنه جنات النعيم

وصح لسانك عل هذه الذائقة الجميلة بمعانيها والوصف مابين الحروف...هذا منايـه ياليـت النـاس يوحونـه....عز الطلب يا عسـى ربـي يحققهـا

الله يحقق مرادك على ماتبي وعلى هواك ,,,,,

يعطيك ألف عافية,,,...

تقبل مروري,,,