ديوان الشاعر غازي بن مغيران الزغيبي

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

النفس ملت مـن غثـى حاجتينـي=دمح الخطاء ومجاملة بعض الاصحاب
عـوج الخطايـا يبحثـن الكنيـنـي=لو قلت خافيّه مع الوقت مـا يجـاب
مشروههن دايـم علـى الطيبينـي=وإلا الردي ما حصلن فيه مقضـاب
الكف الأملس مـن قديـم السنينـي=ماقيل وش ودى مع الناس وش جاب
مـا ينصفـط لمرافـق الغانميـنـي=قد قالها الحصني وغيره وبو نـاب
لولا تجاريب الدهـر يـالفطيني=ومصارع الدنيا علـى كـل هنـداب
ما فرقـو بيـن الوفـي والدوينـي=هذاك ينصونـه وذا عنـه مجنـاب
عسى لنـا سيـره مـع المذربينـي=يا ساتر الخـلات يـا رب الاربـاب
واحسن لنا المقصود دنيـا ودينـي=وأستر خطانا عن هدف كل مغتـاب
لا تحطـنـا للمـفـوه الشامتيـنـي=اهل النقيلي شامتت كل مـن غـاب
وامر وادهى لاظهـر لـك ابطينـي=وانته تكمل ناقصـه عنـد الاجنـاب
وان جت من النايد عسى الله يعيني=اصبر ولابد الهـوى ريحهـا هـاب
الاجنبـي بابـه علـى مصرعينـي=عزه وتقديره مـع االنـاس لاطـاب
وان هس با الميزان ما هو خدينـي=قولة بمـان الله تقفـل ميـة بـاب
حقه عليـه مـا افـرح الحاقدينـي=لو مبغظه جانـي يطـرّح بالأسبـاب
يـروح منـي مستشيـل وحزينـي=ما شال مني ما يحسب لـه احسـاب
سلمـن لهلنـا بـه نـدان وندينـي=من مرجـع السنـه وتحكيـم الاداب
وحقـي عليـه بخالقـه يستعينـي=يرسم حدوده والعمـل عنـد كتـاب
مرجي مديحـة واحـد مـا يبينـي=وإن سبني ما نلحقه لـوم واعتـاب
وكان البطيني جـرح قلبـه دفينـي=لاشاف زودك حط في دربك انشـاب
ان ما حرصته بالنظـر كـل حينـي=واغلقت زرفال(ن) ملولـب تلـولاب
تعلمـوا بـك تايهـيـن الظعيـنـي=وإلا النشاما تفتخـر بالـذي طـاب
ترجح ثقتهـم فـي وكـاد اليقينـي=وزودت بناخيهم تزودهـم اعجـاب
بحقوقهـم حــذراك لاتستهيـنـي=تنزل من القمه مع السايـر الـداب