محاوره بين الشاعرين معتق وفلاح صياف

بسم الله الرحمن الرحيم
السلام عليكم ورحمة الله وبركاته
هذه محاورة بين الشاعر فلاح بن صياف السحيمي والشاعر معتق العياضي

فلاح=
ياسلامي على اللي يحتمون اللزوم =في نهار تطب الخيل ميدانها
قوم يالشيخ معتق ثم هات العلوم =دام انا جيت من شانك ومن شانها
معتق=
البقاء يالرجال اهل الوفاء والسلوم = مايقود المعارك غير فرسانها
يافلاح الليالي للعرب ماتدوم =مير لاتخطي البندق ونيشانها
فلاح =
مايضيع الحلال اللي عليه الوسوم =دامت ان الرعيه عند رعيانها
كان ضيعت قسمك في نهار القسوم =وانت مابين شعلتها ودخانها
معتق =
المهم انتبه لاتفرب من السهوم = وانتبه للرعيه وسط مرحانها
رحمة الله على صياف قرم القروم =ماعلينا من الحره وسحمانها
فلاح =
لاوصلت لسبيع ولاوصلت البقوم = لجل تبني بيوتك فوق عمدانها
كان يالشيخ معتق ضيعتك الحلوم =هاد نفسك يالين يموت شيطانها
معتق =
انت تمشي بكيفك ماتشوف النجوم =لين حطتك بقعاء بين نيبانها
يافلاح استرح في منزلك ومخدوم =والله اني لوردها لحيضانها
فلاح =
لنت مركز دفاع ولنت مركز هجوم = قدمتك الحروب ولانقضى شانها
لو تلبست بالمشلح وزين الهدوم=كل دعوى نبرهنها ببرهانها
معتق=
قدمتني قبيلة حرب ربعي عموم=يالله استر من الحره وبركانها
زاهيتنا المشالح زاهيتنا الختوم =ولابنينا البيوت الا بسيسانها
فلاح =
احد مايطامن العربان واحد محروم =ماتطير الطيور الا بجنحانها
كان وصلت ببن عمي لفرك الخشوم=قبل لافرها بخبرك بازمانها
معتق =
خيلت من بحرها واقتفتها الغيوم =مير ماسالت الديره ووديانها

ولكم خالص الشكر والتقدير

لنت مركز دفاع ولنت مركز هجوم%%%قدمتك الحروب ولانقضـى شانهـا
لو تلبست بالمشلح وزين الهـدوم%%%كـل دعـوى نبرهنهـا ببرهانهـا


يعطيك العافية

تحياتي

يعطيك الله العافيه وبيض الله وجهك

كل الشكروالتقدير أخي الغالي ::
البلادي

على نقلك لهذه المحاوره .

قدمتك الحروب ولانقضى شانها
صح لسانك ياولد صياف

تسلم علا النقل اخوي البلادي وبيض الله وجهك وصح السان الشعار جميه

البلادي الحربي

مشكور على النقل الرااااائع

و صح لسان الشاعرين / معتق العياضي و فلاح بن صياف

كلهم نفخر فيهم الله يوفقهم

الله يعطيكم العافيه جميعا على مروركم المشرف
لاهنتوا وفقكم الله جميعا

مشكور أخوي البلادي
صحت لسناتهم ومعتق عرفناهـ ونشجعه وعسى الله يوفقه ، أما فلاح فأرى من خلال هالمحاورة انه شاعر قوي وعسى فاله التوفيق ولاهو غريب عليه الشعر وله منا كل التشجيع ...

يعطيك العافية

تحياتي