إهداء إلى بدر الحويفي

	المشاركة الأصلية كتبت بواسطة علي غلاب

	سلام تسليم الوفاء يالحويفي=من خاطر"صوغ القوافي يشوقه يابدر برق الوسم جاله رفيفي=مزنه من المنشا الهبايب تسوقه مزنن ورى مزنن ومزنن رديفي=ركز نصوبه واستناضت ابرقه وحس الرعد يابدر جاله رزيفي=وملأ المحاجر والمخايل حقوقه ملا الخباري والقطاله رفيفي=على الخباري زايدات"فروقه يابدر ابو سلمان عيدي وريفي=سج القدم غب المطر مع شروقه على شروق الشمس والأرض ريفي=والعشب بالريضان مالت عذوقه قلبي لذعذاع الهبايب وليفي=لا ذعذع الغربي ينشط نشوقه في راس مرجوم" طويلن منيفي=قلبي على مبداه يزداد شوقه وانته على طرد الولع يالحويفي=حر"شهر مايرد عنه سبوقه لاكن ابي خوتك وتصير ضيفي=الجيب جاهز والمعاميل فوقه وارد مديله من حفيزه نضيفي=وفي شايت الله ماش شي يعوقه وليا لقينا اثر حباري نقيفي=والطير نطلق يالحويفي سبوقه ويطيب كيفك يالحويفي وكيفي=العلم صامل والنوايا صدوقه

الله الله يالجابري

صح لسانك على القصيدة ..

وأخوة الشاعر الكبير بدر الحويفي تنشرى ..

وبيض الله وجهك يالغالي ..

قصيدة جزلة ..