ديوان الشاعر... فواز الزويهري

بسم الله الرحمن الرحيم
باعد الكذاب لو كان بسلاح
شعر / فواز بن محسن الزويهري

خل عنك البوم طير مايروم = وانتقي صقر ليا هز الجناح
يشفي أجراح الضماير طير زوم = صقر لا منه نهج يضوي بفلاح
وانتقي قسمك من خيار القسوم = الغراب اللي رضى قسم الشحاح
والخجل بين الرياجيل القروم = من صفات البنت فبيوت الصلاح
جالس أهل الفكر وامثال النجوم = باعد الكذاب لو كان بسلاح
يفتل الكذبة من حبال الوهوم = واللحم عنده من رجال وضاح
إن لقيته يضحك فضحكه سموم = أستعذ بالله من راع النباح
واعرف إن الصدق بلسم للهموم = ما يهم الصادق فصدقه نجاح
مقدم الصادق ترى خير القدوم = إن تنبيته ينبأك الصحاح
وإن غلط صاحبك فالتأنيب لوم = ادمح الغلطه وقابلها بسماح
اذكر أيام مضت وقت اللزوم = يوم ميقافه معك حتى الصباح
جابة من شاعر بدعه وسوم = والرجال الراشده تشرب قراح
كثر ما المزنه لها برق و رزوم = اذكروا رب السما ذكره رباح

والسلام ختام

عشرة الأصحاب
شعر : فواز بن محسن الزويهري

قال العزيري قول بالحق كاسيه= من صولت الأيام كسب التجارب
والبيت لاجبته من الهجس بانيه= ماقول قال فلان فتل الشوارب
عينت فالدنيا وصاحب مصافيه= الدنيا تفنى والصحيب ايتغارب
لو طابلك يومين ياظفر تغليه = لابد من يوم يجيك بمثارب
واجب عليك تقيل عثرة خطاويه = ولا اعتزل ناسك من الناس هارب
يا طالب الصاحب من السوق تشريه= سوق المراجل من قراح المشارب
لاتصحب الدوني على الدون ترضيه= من يصحب الدوني يحز الغوارب
الصقر ما يصحب غراب يخاويه = ما يصحب الا صقر فالعز ضارب
اشري صحيب العز غالي تماشيه= نومسك بافعاله له العز مآرب
أصحابنا بطبوع والطبع انقيه = طبعي طبوعه ما نتقي طبع خارب
الصاحب اللي يروي الطيب نرويه= من طيب لو نسقى سموم العقارب
أمثال مثل الورد والورد جانيه =من عشرة الأصحاب اسدد واقارب

والسلام ختام