ديوان الشاعر... فواز الزويهري

بسم الله الرحمن الرحيم
السلام عليكم ورحمة الله وبركاته
الكثير منا وأنا أولكم... يشتري البن من العطارين أو مطاحن البن أو المراكز
التجارية محموس ومطحون جاهز ...!!!
والحمس غالبا لايكون ذلك الحمس الذي نتمناه ( لك عليه:( )
ويشرف على حمسه في تلك المحلات إخواننا من الجالية الهندية أو أو...
ممن ليس لديهم خبرة في الحمس ( مايعرفون الكيف )
وتجد أن القهوة بعد إعدادها ليست كما يجب
بخلاف لو حمس البن بالمنزل :)
تحمسه كما تحب وكما يجب ;)
وقد أتحفت هذه القصيدة بآداب الضيافة والمجالس ...
لا أطيل عليكم فالقصيدة بين أيديكم أرجو
أن تحوز على إرضائكم وتكون ذات فائدة ...وبالله التوفيق [/color]

يالله تجزي حامس البن بالحور =يا حامس الأشقر على البيض نجزيك
وملقمه دله بعد دق بنجور= ومبهره بالهيل مجدك بياديك
لا تشتري بنك بعد حمس مصرور= ما يعرف الهندي حموس(ن) ترويك
أقرب من المحماس ولاانته بمضرور= بن اليمن حمسه عبير(ن) يشافيك
والنجر نجر الشام بالخير مذكور= صوته طرب ضيفك وجارك وعانيك
يامزهب الدله ليا اقبلت بسرور= رحب وهلي والمناعير تطريك
واذبح من الكوم النقيات جابور= لا تشاور الضيفان لضيف يجفيك
كل على يسره يمدك بمنظور= وانته على يسرك تفسر معانيك
أقلط على الكرمات مانته بمنكور= يا قالط الكرمه مقلط شراويك
ما قصدك العيشه على العيش ناظور= قصدك هل الطالات تلفي وتلفيك
واليا لقيت اللي كسى وجهه النور= أوصيك تنصتله علومه تقديك
تسمع تجارب في قسى الوقت ويسور= تسمع من الماضي علوم(ن) تسليك
واللي صغير السن ماهو بمحقور= أجلس معه لو كان سولف بماضيك
رب الصغير أعلم وبالعلم محبور= عليه نور العلم يزهى ويزهيك
واحرص على صحبة هل الخير مشكور= يا مجالس الطيب من الطيب يحذيك
واحرص على مفارق هل الغي والبور= واعرف مجالس نافخ الكير يذيك
واللي عزيز النفس بالذيب مذكور =واللي طرا الغيبه يكوكي كما الديك
واللي لبس ثوبه من الجنب منتور= ود العرب مثله عن الخير ناهيك
طاري من الهاجوس منقوش فسطور= يللي حمست البن من قلبي اسقيك
واعداد ما يزرع من اشجار وزهور= صلي على المختار ربي يعافيك

والسلام ختام
لكم تحياتي [/COLOR][/SIZE][/CENTER]

[هذه الوصية منظومة على وزن المجالسي (( من الأوزان الشعبية )) وهذا الوزن فيه كل ثلاث شطور ننحد في قافية معينة تختلف في باقي القصيدة ولكن الشطر الرابع يكون موحدا في كامل القصيدة وهي شبيهة في نظماها إلى حد ما بالموشحات الأندلسية وقد أشتهر أهل الحجاز من البادية بهذا الفن وأخذه منهم غيرهم
عبد الله اذبح لضيوف البكارا
شعر / فواز بن محسن الزويهري

سر يا قلم وأكتب على البيض معناك= بوصيك عبد الله على الخير يمناك
صل الفروض الخمس مرضى لمولاك= يدخلك جنات بها حور وقصور
بالك تعاصي ابوك لاقال طيعه= وأمك ترى الجنة تحتها وسيعه
أمر الرسول الهاشمي فالشريعه= واللي يخالف مات مدحور مدحور
عبد الله اذبح لضيوف البكارا= واملا دلالك زين هيل وبهارا
وأكثر تراحيبك وشب الوجارا= والعود الأزرق بخر والطيب بزهور
بالك يشوف الجار منك العنادي= خلك قرين الطيب راعي ودادي
لابد من يوم يجيب البعادي= وإن لك مع جارك معزات وسرور
وعيال عمك في جميع المواقيف =خلك معاهم راع شد ومحاريف
كمل لزومك خل عنك التساويف =حيفاه للي فالمواجيب مقصور
بنت الردي لو ضللها المزن ورشاش =وإن القمر من زينها بايت اغباش
عن دارها ياخوك لابد تنحاش= لا تناسب الآَ شيخ فالعز منعور
يطلع ولدك من الرجال النشاما= يكرم سبالك رجل بالطيب راما
تفرح ليا شفته به العز زاما= يروي ضماك ويشفي اجراح وكسور
دنيا عجيبه كل يوم بلباسي= شابت كبار الروس ويشيب راسي
أحذر تغرك بين شوف وعماسي =ما دامت الدنيا على حال مخبور
ياذيب ياسرحان صاحب ذيابه = صاحب عزيز النفس مالي ثيابه
من صاحب العدوان مردود جابه= عده من العدوان والبيت معمور
واعرف ترى الأيام تظهر صديقك= صديقك اللي فالمواقف رفيقك
ولاَالردي فاللين شادى شقيقك= واليا نصاه الواجب انحاش مذعور
هرج الفتى ياخوي ميزان عقله= والصمت خير الامر و الحق جله
واحذر لسانك كم عزيز يذله= واللي تقوله يافتى الجود مسطور
ياخوك ذقنا بعد الامرار حالي= واعرف ترى الدنيا سهول وجبالي
هذا جواب القلب منظوم بالي= ياخوك منهوا يتبع الحق ماجور
وختامها صلوا على اللي ودادي =صفوة بني هاشم رفيع العمادي
اللي بعثه الله بالنور هاديابه =أعداد ما شمس الضحى توقد النور

والسلام