نصيحة شاعر الحدث لشاعر محاوره ( عليمي ) استمتعوا

	المشاركة الأصلية كتبت بواسطة نايف الحبلاني

	هذه نصيحه ارسلتها لشخص عزيز عليه ولذلك كتبتها له عندما قال لي احد اقربائه حمود رجع للشعر يانايف ولا قالها الا مجرد مزحه لانه صراحه المحاوره في صوب وهو في صوب ومن باب الخوه ارسلت له هذه الابيات واستقبلها بكل سعة صدر ....... ياحمود جتني هرجه اليوم ياحمـود=سمعتها باذنـي وغيـري سمعهـا ابشاره بعـودة مشاعـرك يالعـود=للشعر وابحـوره والأوزان معهـا عقب امتناعك وقت ما هو بمحـدود=واعرف هواجيسك من اللي منعهـا عسى ما هي صحوة رحيلك يامقرود=ولن رحت الانفس ماختلف متسعها ما انت العضيد اللي عن اللابه يذود=ذلول فكرك عرفك اللـي ضجعهـا ارتـاح يارجـال ماعنـك منشـود=كاشف جميـع اوراقـك ومطلعهـا خل الشعر للي لا جاء الشعر موجود=يحكم رموز الشعر مـا يصطنعهـا ابن فرج لا صارت مقـادح زنـود=له وقفته ياحمود غيـري ذرعهـا له ماقفه بين العواريـف مشهـود=وله هيبةً بقلـوب غيـره زرعهـا والا انت خلك لا تباعد عن سعـود=لا تروز شغله ما انت عارف سنعها الشعر رمز وبينـك وبينـه حيـود=وله علم وانظم غيرنا اللي شرعهـا دايم يجي في قافك النقص والـزود=مـا فيـه وزنـه ثابتـه تتبعـهـا طمعت في ديس المنيحه تبي الفـود=مير المنيحه جالها اللـي رضعهـا انته كما شجره نخل عرقها الـدود=لو مرها عاصوف طايـش هزعهـا ياقصيّر القامه يابو صدر وعضـود=عزمك ضعيف ورغبة الشعر دعها لا تحسب ان الشعر في دربك مهود=دربه وعر لا يغـر نفسـك ولعهـا اقولها صادق وابي منـك مـردود=والنفس لا تقسى ويكثـر جزعهـا وصلاة ربي عد مـا هبـت النـود=واعداد من صلا الصـلاه وجمعهـا على الرسول انقودها بالغـلا قـود=له منزله عـن خلقـه الله رفعهـا شاعر الحدث : نايف الحبلاني ...

[size=3]رحم الله الشاعر رجالله بن فرج احبلاني
""
شاعرالحدث ،، صح لسانك وعلا شانك

دائما وأنت مبدع ،، ورائع ،،
"
"
بس ياكثر اللي مثل حمود هاليومين ويحتاجون لنصيحتك. size]