تحفة من شعوري

أخواني الأعزاء
أضع بين ايديكم هذه القصيدة...
كلي أمل ان تنال على رضاكم وأستحسانكم...

تداعبني بيوت الشعر بأحساسي واداعبها= مداعب نسمة الصبح العليل لزهرة الجوري
واجمّعها وانظّمها واحقّقها وارتّبها=واعلقها على صدر الزمن تُحفه من شعوري
واذا ماصارت ابهى من زهور الورد وسط ابها=شطبت ابياتها الهزله من الجزل بشكل فوري
تطوعلي شواردها تذللي صعايبها=واصوغ اللي يطابق من بيوت الشعر منظوري
خطيت بخطوة الواثق برحله ما اتصاعبها=ورى مد النظر رجلي قدمها غير مقصوري
صغر سني مايثنيني اروم جبال وارقبها=على صم الصخر قافي على الاحجار منجوري
على لايح صفى صخرة عظيم الهضب كاتبها=نقشت براس سبابة يميني خط منشوري
ابدخل مع رياجيلٍ تداحم في مناكبها=على عز وشرف كلٍ بفعل الطيب مذكوري
واذا وقفو عماليق الملاعب في ملاعبها=انا لي ماقف يشرف ليامنه وصل دوري
انا في مملكة شعر وصلت اعلى مناصبها=بيوت الشعر شعبي والجزاله فيه دستوري
ولو مالي جماهيرٍ تحمّسني وانا اطربها=طموحي والثقه بالنفس بين الناس جمهوري
أنا حربي وربعي حرب ماتجهل مناسبها=لنا تاريخ لايمكن تعبر عنّه سطوري
تضيق بربعه الكتب وتضايق في مكاتبها=ولايمكن تضمه لو تضم بكفك النوري
انا واعوذ بالله من أنا نفسي مهذبها=ماحب اكون متغطرس واقول الشور هو شوري
أحدث عن فضل ربي لنفس أنسان موهبها=شعر وأشياء كثيرة ماتحرك ثورة غروري