@@ ما نشكي المخلوق وخالقه فوقه @@

ما كل قلب هوى يـــــــــحرقه شوقه = وما كل عـــــاشق ترى من الشدة يبين
لشوفتك قلبي يســــــــــــابق خفوقه = ويجري بعز القـــــــيظ من قسوة البين
ومن فوق جمر الموت يطفي حروقه = لأجل اللقى بأمـــــــــوت وأسابق العين
وفنور القمر يظهر علينــــــا شروقه = وفشمس الضحى نزرع ونحرث الطين
وصوت الرعد فالليل يباري بـــروقه = ويعلن خطرها على كــــــــــونها الزين
وهل المطر والسيل يبــــني طروقه = في سنة من حج ،،، أربعـــــــة والفين
وعود مع الماء كل طــــــير بفروقه = وعم فيها خير وريــــــــــاض وبساتين
وياعابد الله وملتــــــــزم في حقوقه = آمر وحنا نقـــــــدم لك الــــــــــــــــعين
نداوي جـــــــروح اللي فؤاده يعوقه = ونحارب من اجــــــــــــله كل السلاطين
ونذوقه جرحاً يدمر أحســـاس ذوقه = ونرسم له البسمة على وجه الشياطين
ونجعل له الخطوة فـأرض مشقوقه = ما يجني منها غير شــــــــوك وسكاكين
ما نشكي المخـــــلوق وخالقه فوقه = وما نترك المعروف..وننهى عن الشين
ويبقى السؤال اللي من أصله وعروقه=كيف العراق تضيع ولبنان وفلسطين