" حرب الحريبه في سنام السنامي "

هذهـ القصيدهـ فخر واعتزاز بقبيلة حرب العظيمه
اعرف ان الممدوح اكبر من الشعر لكن اتمنى ان اوفق في مااقول :

مادمت حربي ولابتك ترفع الراس =انا اشهد انك في سنام السنامي
اقولها من قلب وشعور واحساس =هذي الحقيقة وافتخر في كلامي
من هاجس بالشعر يبني على ساس =منه القوافي مثل وبل الغمامي
غزايز مثل الجواهر والالماس =نوماس لاسقت الكلام العلامي
بـ اللابه اللي فعلها ماله اقياس =حازت على طيب المراجل وسامي
" حرب الحريبه " مجدها ماله اجناس =حرب الوفا حرب الرجال الكرامي
تاريخها ماهو كلام بقرطاس=ولاهوسواليف الكذوب الهيامي
لابه لها في قمة المجد مجلاس =بأفعالها بوقت اللقا والزحامي
افعالها افعال عنتر وجساس =لاثارت الهجيا وعجّ العسامي
بمصقل ضاري على قطف الانفاس =من كف شجعان لهم مجد سامي
كم فارس جاهم على قب الافراس =صباح والا في هجادي النيامي
قاد الجموع بسيف وبدرع وبطاس =يبا الطمع واثر الطمع له ملامي
جته الفزوع اللي بها قوة الباس =اهل السيوف اللي تقص العظامي
سباع الحرايب .. مروية كل عبّاس =عصما الاريا .. محتمين الجهامي
اليا ادبكت قحص الرمك ترهب الناس=تسمع بها وتعاف حلو المنامي
شاف البلاوي والهوايل والاتعاس =حظه يقوده للعنا بالخطامي
واسقوه مرّ الضيم كاس ورى كاس =طبع لهم لاجاء نجاة وعدامي
وحدوه لين انه غدا بين الاضراس =واصبح طريح ولابقي له مقامي
هذي حقايق قلتها وارفع الراس =" حرب الحريبه في سنام السنامي "

الاخ الشاعر الإستاذ : بدر القويضي العياضي
صح لسانك مليــون و بيض الله وجهك ،،، أنت شاعر و تقدر على صخر المعاني
و حـــــــــــرب حرابة الدول لابةٍ تستاهل
و أقول لاعدمناك يالقويضي و دمت في عز

صح لسانك وعلا شانك

والله يعطيك العافيه على القصيده الجزله

بيض الله وجهك

تحياتي

يعطيك ألف عافية...

وصح لسانك...

قصيدة جميلة وتصميم رائع...

بالتوفيق..

الله اكبر

صح لسانك مليون وبيض الله وجهك

مادمت حربي ولابتك ترفـع الـراس انا اشهد انك فـي سنـام السنامـي

اخوي/ بدر العياضي تحيه طيبة قصيده رائعه
آمل منك ان تسمحلي بتعديل شطر هذا البيت ليكون
مادمت حربي ولابتك ترفـع الـراس انا اشهد انك فـي علو السنامـي

الله يـعـطـيـك الـعـافيـــــــــــة على القصيده وصح لسانك مليون
بيض الله وجهك

قصيدة جميلة ورائعه

صح لسان مليون

صح لسانك وسلم بنامك

جزله من جزل

صح لسانك ملاييييييييييييييين



شاعر جزل اطرب لقصائدك



لك تقديري