طال الفراق وياعسى الشمل يلتم

طال الفراق وياعسى الشمل يلتم=من خاطري من عقب فوح كنونه
هيض ضميري والقوافي تليم=عساه بالأوصاف تحكم وزونه
ياهاجسي هات القصيد وتولم=هات القصايد خلهم يكتبونه
الصبر مامن صبر قول وتكلم=خل الخبر وسط الورق ينشرونه
الحب وسط الروح بالحيل علم=والقلب يشكي من مفارق زبونه
أبطى علََيَه ولا يمر ويسلم=ماغير أدور من يجيه ويجونه
وأدور الأخبار ولم ولم=لم الذهب في ساعة(ن) يشترونه
عقلي تبرمج لذكروه أتبسم=وليا تنكد خاطري يذكرونه
في حبها قلبي لواه لاوي الهم=ماقدرأعيش الوقت ياناس دونه
ياليت من يسمع قصيدي يعلم=يعلم المحبوب كثرت طعونه
سبت غيابه ياعسي لي يسلم=عساه يرفق بالمحب ويصونه
ليته بجنبي ونتسامر ونرسم=نرسم غلانا بالصعب يمسحونه
ويمر فينا الوقت نسمر ونحلم=والعين تنظر ماتفارق عيونه
في وسط قلبي بانيله مجسم=سكن في قلبي ياهلا في سكونه
هذي قصيده والمشاعر تكلم=عساه بالأوصاف تحكم وزونه