بدع مع الشاعر ابو فيصل الحربي

بدع مع احد الاقارب والاصدقاء المقربين وشاعر جزل و استاذي شعريا

يقول ابو فيصل

يامحمد بلغ المجمول عني
حارو اهلي والاطبه في علاجي


برق المدينه

لجل ابو فيصل انا مجبور اغني
يمكن اهيجن وقلل فالخلاجي

لو يشوف اللي على قلبي كوني
ماتشكا راح دور لي علاجي


ابو فيصل الحربي

يا المصوب كيف تشكي وانت فني
تعرف الموت الذحاح من الغناجي

خيط جرحك وابتعد لا تمتحني
تاقت النفس الشقية للخراجي



برق المدينه


راوية شعرك على جرحه يوني
ساهرن ليله مع طيوفه يناجي

البعير اللي تخبره جا يحني
ماعرف عد الزلال من الهماجي


ابو فيصل الحربي


فيك ما شكيت لا ما خاب ظني
تقدح جروح القوافي من سراجي

والبعير اللي ورد هداج شني
مايسده لو شرب وقت الهياجي


برق المدينه


اجلب العشق الغبر يوم امتحني
بول السومه تبيعه فالحراجي

يوم غضات النهود اللي هدني
بالكسل ياغير رفعات الحجاجي


ابو فيصل الحربي

"ما هقيت ان البراقع يفتنني"
غنها واكسر قلوب من زجاجي

ولا انا جرحي من المعلوق حني
يوم جرحك فالصدر بين وناجي


برق المدينه


الجروح تخيط والدنيا تمني
والحظوظ الفادره والهم هاجي

ياليال البعد تكفين اسعفني
وجمعي حب ن غدا وسط العجاجي


ابو فيصل الحربي


ادع ربك موقن ن ثم ارجهني
ما تضيق الا تغرغر بانفراجي

باكر الدنيا تبسم لك بسني
تضحك بصف الذهب ماهو بعاجي

برق المدينه


العهود معقلات ن يرمحني
والزمن قلبه علينا لون صاجي

الوقايع كلبوها غربلني
عد ما جاب الفقيه من الدجاجي


ابوفيصل الحربي

يمتلن عد الدلاء ما يلتوني
يوم شافن البحر بالدر ماجي

يا محمد واسمع الموروث مني
مايضيق الذيب من صوت النعاجي


برق المدينه

مانهاب بروق موت ن يلمعني
مانهابك غير يالموت المفاجي

القوافي سقتها لك يرزمني
وانت شاعر لبس القيفان تاجي

ابو فيصل الحربي


يابواريد الشعر بالفخر دني
ذكرينا بالسديري والعواجي

يوم رمح العز لمحمد يطني
يفتل اشناب الشعر دون اعوجاجي


وسلامتكم

صحت ألسنتكم والله يعطيكم العافية

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحــت السنتكــم
دمتم برعاية الله وحفظة

صحــت السنتكــم