 |
 |
 |
 |
|
 |
||||||||
 |
|
 |
||||||||
 |
 |
|||||||||
 |
|
 |
||||||||
| مــلتــقــى دواوين شــعــراء الــقــوافــي [ جميع الشعراء ] |
 |
|
|
أدوات الموضوع | إبحث في الموضوع | انواع عرض الموضوع |
|
|
|
|
|
|
||||||||
|
|
|
||||||||
|
|
|||||||||
|
|
|
||||||||
| مــلتــقــى دواوين شــعــراء الــقــوافــي [ جميع الشعراء ] |
|
|
|
أدوات الموضوع | إبحث في الموضوع | انواع عرض الموضوع |
01-03-24, 06:45 PM
|
#51 | |
|
شـــــاعر
|
يسري بي الهاجوس مع دقة السلف
وأسـج بـأفكـار ثقـال و خفـايــف ياصاحبي محتار في وقتنا الصلف مستوعب الأضداد زي منت شايف إن مال فـرق ما تجمع من الـولف و إذا إعتـدل جمع عليك الولايف فيه الحرار مع الحبارى على حلف من بعد ما كانت تخطف خطايف تلقى به البلسـم وتلقى به الشلـف ذل العزيـز و عـز من كـان خايـف وتلقى من الأصحاب رجالهم بألف وآلاف منهـم مـا عليهـم حسايـف وقتات ومنافـق وخـداع بالحـلف يلبس لمصلحته جميل الوصايف وألا بعضهم ينقصه حافر وضلف أسمانهـم ترجـع هـلام وعجايـف لوصوتو لك مـر لا تلتفـت خلــف وأرقـى بها عن قاعهم كل نايـف راجع ملفات الصداقة مع الجـلف وإشتر وفيّ وبيـع من كـان زايف |
|
|
|
24-05-24, 08:22 PM
|
#52 | |
|
شـــــاعر
|
يا ساكن المريـخ أنزل ولاترق
لاتنخدع بأوهامك النرجسيـة ترى الحقيقة والوهم بينهم فرق البون شاسـع بيـن هـذي وذيـة كبر الأنا والنرجسة والحسد طرق يشـوم عنها أهل النفـوس الأبية ومن خالف الواقع ليخفيبه الحرق يطـرد سـراب أحلامـه السرمديـة ومن عاش دور الغير يطق به عرق ويجيـب عيد الفطـر بعد الضحية ولو يدعى طبع الوفا راعي الدرق أسهـل منـه ينقـل طويـق لطميـة نسمـع حنيـن رعـود نـو بلا بـرق ومـالـي عليـه وهـو مـالـه عليـه دار على ضيفانها يكثـر القـرق مني عليها أغلى سـلام وتحيـة |
|
|
|
|
26-05-24, 03:49 PM
|
#53 | |
|
شـــــاعر
|
من هاجس مثل المزون المحاميل
تقـدح بروقـه مـن يسـار ويمينـا بالهون يأهل الزور والقال والقيل اللـه يكـافيـكــم و لا يبتـلينــا يامال فرقى العيـن مال الغرابيل عن مثلكم من وقت غاسل يدينا أتهمتنـا بالبخـل من دون تعليـل وش جـاك منـا بالــردى مبتلينـا البخل عن عاداتنا أبعد من سهيل وأقرب لكم من ضـده الفرقدينـا دروبنـا صعبـة على بـارد الحيـل وده يـهـدم بكـذبــه اللـي بنينــا الطيب نهج للرجـال الحلاحيـل وحنـا بنهـج الطيبيـن أقتـدينـا والجود عادة عود يسوى ميةجيل وصـى عليها وأصبحت طبـع فينا إذا عطينـا فالعطـا نوفـي الكيـل وتسـابــق لتقديـم مـده يدينــا ولاهمنـا شكـره ولانريد تبجيـل ولاننتظـر مــردود فعلـه عليـنـا ماهي هروج تقال من دون تفعيل نعطـي وكنـا ناخـذ اللـي عطينـا |
|
|
|
|
09-06-24, 08:30 PM
|
#54 | |
|
شـــــاعر
|
من رأس مـال ماهو ريـال وفرنـك
بصـرف لكم وأحـرر بموجبه شيـك رصيد خبـره ماعـرف خزنة البنـك خذها دروسٍ من تجارب محاكيك ثــلاث فيـها العــز ما عنـها وعنـك اظفـر بهـا وأطلـب لها الله يهديـك الـديــن والتقـوى وخلـق يحسنــك أثبـــت عليهـا ولا تغيــــر مباديــك وثـلاث خذها وخلهـا دوم ديـدنك نية وقول الحق وأصلح خوافيـك وثلاث تجلي ضيقة الصدر والضنك عفـوك ومعروفك وفزعـة لناصيـك وثـلاث من وصلك للأرحـام يلفنك عمـر طويل ورزق وأجر لمساعيـك وثـلاث رفعـة لو حظوظك تمكنـك مـال وحياء بعده تواضـع معاليـك وثـلاث تجني خيـرها بعـد مَدْفنك صدقتك مـع علمك وبـر الولد فيك وثــلاث عـن عــزم عزمتـه تهونـك قـل وكسل مع خوف ثقل خطاويك وثلاث قفـل دونهـا بـاب مخزنــك أمانه وسـر الخوي وأخف أمانيـك وثلاث تأخذها سلف والوفـاء منك بِر وفجور وشمت في اللي يعاديك وثـلاث مـا تبقــى عليهـن أراهنــك صحــة وقــوة مـع شباب بماضيك وثـلاث منـها إيــاي وإيــاك تفتنـك صديق سو ونفس وابليس يغويك وأحـذر ثـلاث أقلهـا النـاس تلعنـك الـظلـم والطغيـان والــزور يعميـك وثلاث عيب ولا تجي إهانتـه منك ضيف وضعيف وعانيٍ من عوانيك وثلاث مالـك حصـن منها يحصنـك صديق الأمس وجاهل وجار يوذيك وثــلاث تفـديها ليـا طــاب معدنـك ويرخص لها الغالي عليهـن أوصيك دينك وبعد الدين عرضك وموطنك تُذكـــر بهــا بالخيـــر لاحل طـاريك وتفريجك لمكروب في حزة الضنك الله بها في موقف الحشر يجزيـك والنـت شيـطان العصـر لا يشيطنك أحـذر شياطينـه عن الحـق ترديـك ولا تاخـذ بفتـوى المجـاهيل تفتنك أنشـد هــل الأذكـار بالعلـم تفتيــك ولا تستشيــر اللـي برايـه يـداهنـك ولا جاهـل يختار لك رأي يرضيـك ولاتستحي من واحدٍماأستحى منك مـا دون حلقـك تدفعـه راحـة يديـك ولا تطـرد المقفـي ترى مادرى عنـك ولا تبيـع رجـل باع غيـرك وشاريـك ولاتسوم وجهـك عند من لايثمنـك مـالـك ومــال دروب يمــه توديــك وإذا بـدالــك واحـــدٍ مـا يـواطنـك أبعــد عنــه وأدراه دامــه يداريــك وترى الذهب في مظهره يشبه الزنك لايخدعــك لمـع المظـاهـر ويغريــك واللـي طعـن غيـرك ليـا راح يطعنـك إن جاك يطعن به وعنده طعن فيـك وحمل الجمايـل والمعـاريف يدفنك يصبــح بها الأحـرار مثـل المماليـك و أحفظ في أمورك كلبوها توازنـك لاتندفـع فيها ولا الخـوف يقصيـك وإذا الـزمـن دارت رحاتـه وطاحنـك وشهب السنين وباير الوقت حاديك إزبــن علـى اللـي لا نصيتــه يـزبنـك اللـي علـى الثنتـين دايـم مخـاويـك لأحتـاج عاونتـه ولأحتجـت عاونـك لا مَـــنّ لا مــعــذار لا ذي لا ذيـــك |
|
|
|
|
20-09-24, 06:57 PM
|
#55 | |
|
شـــــاعر
|
🇸🇦🇸🇦🇸🇦🇸🇦🇸🇦🇸🇦🇸🇦🇸🇦🇸🇦
تزاحمت فيني مشاعر وأحاسيس يخونني التعبيـر - بالقـاف - عنها ماهي مجرد حبر فوق القراطيس وقصايـد تكتـب ويحبـك لحنهـا حب ولاء وإحساس فخر وتقديس يخفق بها الخافوق لأرض سكنها حب الوطن فطرة ورد بالنواميس مـا يكتسـب بالعلـم والجهـد منـها لكـن فتـش في جميـع القواميـس أكثـر شـعوب الأرض حـب لوطنها تلقى السعودي أحتل بكتاب قينيس بعـز وفخـر وضـع الصـدارة ضمنـها |
|
|
|
|
24-01-25, 07:26 PM
|
#56 | |
|
شـــــاعر
|
من شرق جاكرتا إلى غرب مكناس
جيل مضى وأجيال مسكت سراهم كثير منهم كن حاديه وسواس له حكمـة في خلقـه اللي براهـم ناس تبيع اللي شروهـم بالألماس تبت يدي من باع ناس شـراهم تجري ورى ناس جرت منهم للناس وناس جرت من ناس تجري وراهم لاهم درو باللي بغوهم من الراس واللي بغـو قدامهم ما أحتراهـم تطـرد سراب منه الأرياق يباس يا قلهـا في العابـدين لهواهـم |
|
|
|
|
27-01-25, 09:35 PM
|
#57 | |
|
شـــــاعر
|
لاباس ياذيب قنب تالي الليل
لج العوى في ليل ماينسرى به في راس عيطا للذيابه مداهيل يقنب وتقنـب من قنيبه ذيابه يكفيك ياسرحان شر المحابيل كم ذيـب قبلك عض يمناه نابه أدرى رفيقي وابن عمي عن القيل وأعدهـم فـي المنـزلة لـي قرابـة عندي لهم قـدر ومعزة وتبجيـل محزم ظهر من دون شك وغرابه يكبـر علي أرد في كيلهم كيـل وأمـررر الــزلة لهـم بالنيـابــة وأقيل عثـرات الرجال المشاكيل حتى العتب من دونهم صك بابه ماضي سلفهم لا تناخو على الخيل يوم المراجـل في الجزيرة نهابـه يذكر لنا التاريـخ عنهم تهاويـل تشهد بها خـذف وتشهد شبابـه سلم المسالم بالمواقف حلاحيل ستـر العـذارى لابـة حـي لابـه أهل البيوت العامرة والمداهيل على النقا والطيـب عز ومهابه إذا وقـف رجالهـم عـدل الميـل دون الدخيل تقال فاقد صوابه تضربهم دون الخوي في التماثيل قصـة نويشـي يـوم قفـت ركابـه ضحى بنفسه خوف لايلحقه قيل وفك الخوي من كاس مـر شرابه |
|
|
|
|
31-05-25, 09:27 PM
|
#58 | |
|
شـــــاعر
|
يا أصحابنا كوفيـد مر وعفسـني
والصوت بعده ياملا كود بالهمس جهد وتعب وأرهاق حل وفرسني وحمى وقيدة بالحنايا لها حمس والراس صدع ومن صداعه عمسني والذوق وأيا الشم في أنطمس طمس وأمسيت كني تحت مكبس كبسنـي ومن طول ليلي قلت ماتطلع الشمس وحاولــت بالليـمون فاللـي لبسـني واصبح على الصبح صيدة نهار أمس رحته على الدكتور محمود حسني متخصص فالطب من جامعة شمس جيـت ودخلتـه وأبتعـد مالمسـني قلت السلام وقال لاتصافح بخمس وبنظـرة الفاحـص بعـد مادرسـني قال إنعزل وإياي وإياك واللمـس أقـل مافي أضـراره إنه حبسـني ومن أكبر أضراره ضحاياه بالرمس واللي قضى به لي لطفه حرسني وعدى علي بخير لو سبب العمس |
|
|
|
|
|
|
|
|
 |
 |
 |
العرض العادي
