ديوان الشاكر ابو سامي / قسم القصائد

مرحبا ترحيبية مثل المطر لاهل وبله
بالحضور وبالضيوف وكل من شرف وجانا

في حفل زادت به الانوار من بعده وقبله
راعي الحفله مهند باسم جده واومرانا

الوصل بين الاحبه دايم ممدود حبله
مرحبا باللي بعد ماجاته الدعوه لفانا

الكريم يعد طيبه والنبيل يعد نبله
من مشايخ ربعنا والا من زحول اخويانا

الوفي واللي يوافي كل موقف ينحسب له
تكتب امجاده ووقفاته على طول الزمانا

ومن تعب في خطوته لازم وواجب ينتعب له
في لزومه ياوجيه الخير ماتقصر خطانا

وأكثر الترحيب للافين من شام وقبله
ومن لفى من شرق والا غرب لين انه نصانا

والختام نكثر الترحيب للي ينوجب له
وكل واحد ينوجب له فالزمان وفالمكانا

ابو سامي الشاكر