جاري ونعم الجار

لقيت بعليان عدة مزايا
شيخ وكريم وطيب راس وعقيده

وحجاج يضحك ملتوا بالزوايا
عن الضيوف اللي خطاهم بعيده

في مجلس الطيب وسيع النحايا
فنجال والم والنوايا حميده

وصحون من خيرات ربي ملايا
وسوالفن بين النشاما مفيده

مدحي لبو مهدي حميد السجايا
على فعل ماهو مجرد قصيده

جاري ونعم الجار ماهي حكايا
شايب حشيم وبالمواقف وليده

ربعه هل الردات فوق السبايا
بني عطيه طيب فعل وبديده

اهل كرم ورجال دين ودهايا
وعون الرفيق ان قصر الوقت قيده

فزعاتهم تروي كبودن ضمايا
وهداتهم كم راس تقطع وريده

عسى مراتع ذودهم والقرايا
مع ناشين برقه نخيله وعيده

لاقبل بذن علام كل الخفايا
يهل ودانه ويضفي مديده

الصبح لاكل الخباري ملايا
والضلع يكثر للقوانيص صيده

ختامها مني سلام وتحايا
ماغرد العصفور فوق الجريده

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صحاالسانك اخي سعدقصيده رايعه
فيها ثناعلى الجاروهذاواجب اسلامي
وذكرت الطبيعه وهاذي اشياجميله
ومحببه الى قلب اي انساابيض وجه

صح لسانك وسلم بنانك

صح لسانك
الله يعطيك العافية