صلالة

السلام عليكم ورحمة الله
قصيدة بدع قديمة قلتها اثناء زيارتي لمدينة صلالة
(سلطنة عمان)

سـلام يا شعبن على العز و النامـوس
واجــب سـلامــي لـلعــزيـزيــن أرده

ابلاد عومانن هل الطيب فيها إجلوس
والضيف له حـشمـةلديــهم ُمـعــده

ناظرت بحـر العُـرب من دار قابــوس
و ناجيـت طـول الليـل جزره و مــده

طليت من شـاطي جـميلـن و مانــوس
شـاطـي صـلالـه نـون عـينـي يشــده

ما ظني إن عرض المحيطات مقيوس
ولا ينـعــرف عرضــه وطولـه وحـده

امحيطن عليه رجـال مامون محروس
الـرجـل منـهــم في الــلـــوازم نـعــده

شعبن لهـم فـا لطيب قـانون مـدروس
آقـــول هـــذا الــقـــول منــي مـــوده

حـلـو صلالـه ديـرة الغـيـم و غـروس
الــطــــل فيـهــا نـازلــن زان بــــرده

لـكـن مـا تـكـمـــل بــدا لـي هــجــوس
ولـى صـحيـبـي و الـنـدى مـا يـــرده

شالـوه فـي طيـارتـن مـالهــا تــروس
خـذوه يــم الشــرق مـن جـال جـــده

النـاس وسـط قلوبهـا حسـد متـروس
خلـوا ولـيفــن مـن ولـيـفـــه يـصــده

و الحـُب ما يشرونـه النــاس بفلـوس
و اليـوم شـوفـي يــم ربـي بـا الـــده

——-

-رد من ابو راكان العُماني على سابقتها-

يا مرحبا براس الوفى وكل ناموس
ترحيبـة بحجـم الفضا ولا تســـــده

ترحيبتـن مثل الجنيهـات وفلــــوس
متغيـر بوقت الرخـا و كـل ِشــــــده

ألقي بهـا عـالـلي لـفــا دار قابـوس
من دار أخـو نوره على بحـر جـده

بنفوسنا ملفـاك فـالعـيـن و الـروس
و قلوبــنـا بضيافـــتـك مســـــتبــده

مدحـتـنـا يعـلـك مع الفــوز فردوس
ويـا جـعـل عينـك كل خيـرن تلــــده

ولا هي غريبـه طيبكـم بن محموس
ولا الكرم حـــزتوا عــلى كـل عــده

و سطواتكم عنـد المعادين كابــوس
و فزعـــاتــكم ذود الغــــلابه تــرده

وعليكم السلام ورحمة بركاتة


صح لسانك شاعرنا

صح لسان الشاعر العماني

صحت السنتكم
والله يـعـطـيـكم الـعـافيـــــــــــة
بيض الله وجيهكم

صح بدنك اخي شاعرعوف ولاهنت
شكرالك باأسمي وأسم الشاعرالعوماني

صح بدنك اخي الفاضل الحب الباقي ولاهنت
شاكرومقدرلك باأسمي وأسم الشاعرالفذ
ابوراكان العوماني هذاودمت بخيروعافيه

صحت ألسنتكم
والله يعطيكم العافيه

صح بدنك اخي البيرق ولاهنت شرفني مرورك
شاكرومقدرلك ذالك شكراباسمي وأسم زميلي
الشاعرالفذابوراكان العوماني هذاودمت بخير

وعليكم السلام ورحمة الله وبركاته
ماشاء الله تبارك الله
شاعر متمكن ينثر الابداع في كل مكان
في الحضر والسفر
في البر والبحر
داخل الوطن وخارجه
عين فاحصة تبصر الجمال وتصنع الجمال
وشلال فكر متدفق باعذب الكلمات
تنبت على جاله زهور القصيدة الفواحة
فشكرا لك شاعرنا المتمكن وصح لسانك مليارات

صح بدنك اخي المستشارحسين شاكرومقدرلك
مرورك العطروالحقيقه كليماتك اللتي تخاطب
بهاالشعراءفي هذالمنتدى هيابذاتهاتصنع شعراء
وتجعل الشاعريتفاناليحصل عليهامن شخص
يعتبركلامه شهاديفخربهاالشاعرويسعدبهاهذا
ودمت لي والغيري في هذالصرح الشامخ منتدحرب الكرام

صحــت السنتكــم
دمتم برعاية الله وحفظة