مشاعراً يم القبيلة تبيني

ياللي تسوي فوق راسي فطيني
أخذ الكلام اللي عليه القوانين

هاجوس شاعر يكتبه باليديني
ويسطره بجزال شعره مضامين

ان كنت تفهم جبتها بالحسيني
تبلورت في داخلي بالعناوين

مشاعراً يم القبيله تبيني
و من دونه حرب الحرايب مسمين

رجال بالميقاف عسراً و ليني
اهل الجزله و السطر بالميادين

يا كم خلو بالقلوب الحزيني
من فعلهم غاضت قلوب المعادين

اهل الثلاث المعجزة باليميني
كلن يسطر بالفعايل براهين

نويشي اللي بالخوي سد ديني
من مبدأ الخوه على العسر واللين

رافع مقامه عن فعولً تهيني
ما دام مثله بالفخر حاز ثنتين

الاوله بالمجد فعله يبيني
والثانية لاقلت بالفعل وافين

وإلا الفدا ياصاحبي سابقيني
يوم البلالي بالفدا كمل الدين

فدا الفتى بالعمر يومه رهيني
أرخص بـعمره مابقى له من سنين

وإلا الكرم معروف ريف السميني
هذي لابن نحل زبون الميامين

اللي على طيب الفعايل رزيني
من طيب فعله خلدته الدواوين

خصايلً تحمد على كل حيني
والنعم في كل القبائل وفيين



الشاعر بدر منور مطلق الحداري