ديوان الشاعر عجاب صالح الحنتمي المزيني

ماني مخلي في مراحي ولا شاه
بلشت في ماها وغالي علفها

مع الضريبة والغلى زاد مشراه
الله أ يعوضني بها ويخلفها

مرتبي محدود والسعر ماقواه
والنفس عيا لايتحقق هدفها

أ فراق يادنيا الشقى والمعاناه
محد(ن) ضمن قبلي وبعدي ترفها

فيها السعيد اللي عرف وين ممشاه
ونفسه على مرضاة ربه عسفها

وتقبل القبلة وصلى وناجاه
وبه عاذ من غلب الرجال وصلفها

وابعد عن اللي هرجته في دناياه
لامرته عوج السوالف خطفها

وعن واجبه يعطي مع الباب علباه
نفسه دنيه مايهمه شرفها

الله لايكثر مع الناس شرواه
وعسى جميع اعضاه يشكي تلفها


الشاعر/ عجاب الحنتمي