صلة رحم

السلام عليكم ورحمة الله و بركاته اخواني و اخواتي في هذا المنتدى الراقي
احب مشاركتكم هذه القصيدة لعلها تنال استحسان من يقرأها ..

سـلام مني يــمّ أبويـه بلا كيـــل
رجـّـال فيه المرجلـة والشهامــه

و سلام لـمّي عـد ما سيّـل السيــل
من بعدها يـاصل لذيـك الحمامـه

واثْنِي عَلَى اَحْمَد فِيه دِينن وتَرتيِل
خلّت على وجهه دليـل وعلامـه

لهْ طلّتن في خاطـري كنّها سهيــل
يعجبـك منطوقـه و صدْقة كلامـه

أمّـا علي قمّـة جبـل ما بهـا ميْــل
مثل الجبـال الراسية في تهامـة

ياجي على لِجْبـال بـرْق و تهاويـل
لكـن جبلنــا صامـدن فـي مقامـه

هـذا عميـد البيت من غيـر تظـليـل
وان صكت البيبان جرّد حسامه

و ايضاً محمد فا له الطِيب والْهيـل
يفْرض على كُل الرجال احترامه

امروّض العاصين ومروض الخيْل
يشْبه لـبو زيـد الهلالي صرامـه

عبدالعزيز العلـم عنده كما الغـيـل
حافظ علوم الشرع دارس نِظامـه

عبدالعزيز اللي مخضرم من الجيل
عاش البداوة ثم عاش الزعـامـه

و سلّم على الأولاد تسْليِم با لحيـل
و رُدّه على الاحفاد ومْعَ السلامه

صح لسانك اخوي إبداااع يديك العافيه

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صحت ابدانكم ولاهنتم

وعليكم السلام ورحمة الله وبركاته
هنا سطع الحرف نورا

ونبضت الكلمة روحا

قصيدة نشرت شذا عطرها فواحا بين السطور
اقول جازما انها نالت استحسان الجميع
ومن قال غير ذلك فليراجع ذائقته الشعرية
ابدعت وتميزت شاعرنا الراقي الكبير
فصح لسانك مليارات

صح بدنك أخي المستشار حسين ولاهنت شاكر ومقدر مرورك المثري على متصفحي ولايفوتني ان أشكرك على امتداح قصديتي صلة رحم ففعلا الأقربون أولى بالمعروف هذا ودمتم بخير وعافية

قصيده راقيه..رونقها باهر و جمالها زاهر

عسي الله يحفظ لك الاهل و يدوم عزهم

صح الله لسانك
ولاهنت
وسلم فكرك وبنانك
دمت برعاية الله وحفظة

شكرالك اختي الكاتبه فريده سيف
على مرورك المثري على متصفحي
ومتداحك النص باكلام راقي للغايه
ونبيل والله يحفض لناولك كل غالي

صح بدنك اخي العزيز فهدبن غانم
ولاهنت شاكرومقدرتواجدك الدايم
على ما يكتبه اخواناالشعراء