يا رفيقي

ما عادني يارفيقي مثل مانت تخبر = افز واقوم ما يثر علي المقام
داهمني الكبر والا حق ما من كبر = شيخوخة اليوم صارت مثل قولت سلام
وفقدت ثنتين والدنيا دروس وعبر = من بعدهن تقل اشوف بوسط عيني ظلام
من اول اعلم الغيري فنون الصبر = واليوم ادور صبر والوضع ماهو تمام
وصار النظر به شجر واحيان جو ٍ غبر = كم مره اقف وسأل الناس هل به عسام
الوقت هذا تغير صار باعه شبر = شبعوا به الناس لاكن المشاعر حيام
نصبر لعوجاء الزمن نجبر لمن لاجبر = نكبّر صغيّر ونركض وراء الانقسام
نسلى وندله وحنا مقتفين القبر = ونقول بكره نتوب ولا علينا ملام
والموت برقابنا في كل يوم ٍ سبر = يقرا نهايتنا من قبل وقت الختام
صادر قرارك لو انه ماكتب بالحبر = من عند خلاقنا محيي رميم العظام
يالله بلطفك وعطفك لاصدر بي خبر = وغادرت بالرحله ولفوا على الجسم خام

فايز موسى البشري

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

ماترى باس
صح لساااانك ملااااين

	المشاركة الأصلية كتبت بواسطة الحب الباقي

	صح الله لسانك يا القرم والله يـعـطـيـك الـعـافيـــــــــــة بيض الله وجهك

صح بدنك الله يعطيك العافية على المرور المشرف

	المشاركة الأصلية كتبت بواسطة ابوهليل

	ماترى باس صح لساااانك ملااااين

مايجيك الباس
صح بدنك الله يعطيك العافية على المرور المشرف

جعل روحي تفداك ❤️
صح لسانك

٠؛

جعل روحي تفداك ❤️
صح لسانك

	المشاركة الأصلية كتبت بواسطة شموخ السلاطين

	جعل روحي تفداك ❤️ صح لسانك

تسلم روحك الله يعطيك العافيه
صح بدنك على المرور المشرف

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

صح بدنك الله يعطيك العافيه