قبيلة الرشود من عوف

باسم الذي ينشيء سحاب له ارعود= ويهل منه الوبل صبح وعشيه
اللي لبيته تاتي العالم اوفود=يقفون بالمشعر بشهر الضحيه
اللي هزم جالوت بيدين داوود= ولابه يدين (ن) فوق ربي قويه
محيي العظام اللي نخرجسرها الدود= الي حياة (ن) دايمه سرمديه
واحد احد غيره فلافيه معبود= سبحانه الوهاب جزل العطيه
وابدا بعد ذكره وللشعر ومقصود= وللمستمع مني جزيل التحيه
ابيات شعر بنظمها كنها انقود= مدوّنه بحروفها الابجديه
منزهه عن كلا عيب(ن) ومنقود= صفحات في مدح النفوس الزكيه
سلام ياربعي هل المجد والجود=اهل الوفا واهل الكرم والحميه
من حرب من مسروح من عوف لرشود=ابا اختصر والحصر يصعب عليه
تاريخ حافل بالبطولات معهود = وضح النقاء مشهود والشمس حيه
يوم انها مابين ملح وبارود= ماهي سوالف فية(ن) بضحويه
لمناور ابن ارشود فعلا له اشهود = يوم أنها بالسيف والبندقيه
عقيد قوم يقودهم للوغى قود=اليا خذا البيرق تلته السريه
وزحم وماطر وبن ضرمان وحمود=وسمار ثم اهدي لصالح تحيه
وسامر ولامنهم عن الطيب مجحود= نوادرن من عصبة صيرميه
هذي فعول اجدادنا خلفة العود= على النقاء مابينهم سرسريه
على اتلاف وصحة قلوب وعهود=عاشوا وماتوا والخواطر نقيه
ويمنى بلا يسرى لو العظم مشدود= ماهي بحزات المواقف قويه
الطيّب ينومسك غائب وموجود = ومع الردي ماسرت العنصريه
وافخر بربعي حرب بالفخر وازود =مسروح وإيا العزوه السالميه
اللابة اللي باصلها الطيب مشهود= حرب الحرايب طيبين السجيه
ومن لايمثّل لابته ماكسب فود=بالطيّبه والا الرديه رديه
تمت وعن عيسى ترى العلم مردود=مهما كتبت بحق ربعي اشويه
ياتاج راسي ياهل المجد والجود= ياهل الوفا واهل الكرم والحميه
وصلاة ربي عد ماتذري النود=على رسول الله خير البريه

الشاعر

عيسى العوفي

صح لسانك والنعم فيك وبربعك

وراع الطيب يستاهل المدح والثناء

الشاعر عيسى العوفي صح لسانك والنعم فيك وبربعك الله يعافيك

صح السانك
وعتلاشانك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الشاعر عيسى العوفي صح لسانك والنعم فيك وبربعك الله يعافيك

صح الله لسانك
ولاهنت
وسلم فكرك وبنانك
دمت برعاية الله وحفظة

صح ابدانكم
واطال الله بعماركم
والله يدوم المحبه

صح لسانك
ونعم فيك ونعم في ربعك

الله يعطيك العافيه

السلام عليكم ورحمة الله وبركاته
سلمت ودمت أخوي الشاعر عيسى العوفي على القصيدة .
.
.
جزله ورائعه وصح لسانك
أخوك ابوساره