عاش ابو سلطان شيال الثقايل

*عد ماشالو على ظهور الرحايل*

*البيوت اللي لخاطرها ظليله*

*خلف شيخن في زمن منكف وصايل*

*لاعتزا لعيون مجدول الجديله*

*الجموع تروح من فعله عزايل*

*ومن سلم ماردها يدفن قتيله*

*مرحبا مصدارها خلف النحايل*

*من صميم القلب ياراع المثيله*

*ياصلاح الطيب مع بدو وعوايل*

*غير حصري في فصيله عن فصيله*

*الليالي بين عدل وبين مايل*

*كم راعي طيب عيت تستويله*

*نوب تاقف به على الجرف المهايل*

*ونوب عن عثرات حظه ترتكيله*

*وانت فيها ياولد عواض نايل*

*الكرم وطيب وفعولن جميله*

*من رجالن لاعترض بالدرب عايل*

*وقرب الصوان من خشم الفتيله*

*في نهارن فيه دم الجوف سايل*

*وطيت مزينه على العايل ثقيله*

*بالحجاز ونجد لين اطراف حايل *

*يدحمون القوم بجموعن مهيله*

*سعد المحمدي*