ديوان الغاز الشاعر : الشاكر أبو سامي

اطرح اللغز هذا اليوم والحل بكره
ارمعوا لين بكره ياعسى ترمعونه

فكرة جبتها للكل ياخوش فكره
من رمع غيرها باقول له لامهونه

لغز مايرمع لازل ذكره وحكره
والحقيقة بجيل اجدادنا يذكرونه
_________
اللغز من راسي وله مقياسي
ماهو على مقياس راع الاصبعه
واللغز متوسط ولا هو قاسي
وحروفه اثنينه وداخلها اربعه
__________

اللغز هذا مشترك
اما نهض والابرك
ومشربكينه في شرك
والسر به في قاع بير
بنت جدايلها عشر
واحيان خمس بغير شر
لاجات يعملها البشر
والبنت من جمع غفير
في السهل والا في الجبال
تفكروا ياهل الحلال
وارهوا لها خشم الريال
وش قلت ياراع البعير
بنت عرفها اجدادنا
ويمكن جهلها اولادنا
فضل الولي في بلادنا
ولا زالت الدنيا بخير