ردي على الشاعر سعدون الهرس العتيبي

الهرس حرك هاجسي معناه

تسلم يمينه ثم يسلم فاه

سعدون جزلات المثايل يجيدها

ياعل مايصيب العطب يمناه

غاص البحور وجاب من طيب درها

عسى الولي رب الملا ياقاه

الجزل مطلب لرجال ويشوقها

اما ركيك القول من يبغاه

شاعر وشعره نحت في جانب الصخر

يشد شعره واحدن يقراه

وشد انتباهي ماقريته بعزوتي

وقررت راع الطيبه نجزاه

رد الثنا واجب عليه بحينها

عن حرب ربعي بالوفا نبداه

ذكر الحقايق من وفاء راعي الوفا

ومن طيب ياهل المعرفه مجناه

كلام عندي يالعتيبي دلايله

والقول يسمج لافقد معناه

والنعم بعتيبه هل الجود والكرم

للطيب طيب واللعدا ماذاه

لاصاح صياح الضحي يندعابها

كم راس شيخن فعلهم وطاه

توسطو في نجد بالسيف والقنا

وضعونهم عشب الخطر ترعاه

هاذي حقايق والحقايق نعدها

والصدق قالو لرجل منجاه

وباق القبايل مانقلل بشانها

كلن ورا حقه طويل ارشاه

الناس مثل الناس والطيب مفخره

له بالوجيه اوسوم مانخفاه

اصعب على الرديان من حب كوعها

كلام شاعر واضحه دعواه