ديوان الشاعر ابو عوض

. انكانه اليوم حظك ميت
حظي له اسنين مدفوني
لاكنك اطلب ليا صليت
ايكون في عونك وعوني
النحاوي

سوو له انعاش مالديت
الا العرب دونه و دوني

من فرحتي يالخوي فزيت
طاير ولا ابغى يعزوني
ابن حماد

مايكسر الوقت ضايع صيت
مثلك ومن حضر مايهوني

من مات ماترجعه ياليت
الا الذي خالق الكوني
النحاوي

سبحان من يعلم التوقيت
عن موت الارواح ياعيوني

لو تمدح الحظ يرقى سيت
قايد على كل مكنوني
ابن حماد

خابرك حرن لياهديت
راقي وماتتبع الدوني

انا سمعت لنداك وجيت
وتنقضت خافي طعوني
النحاوي

المعذره يا الخوي و اعليت
لا تحسب الكتف قانوني

ان كان سببت لك تنهيت
لك بيت فا القلب مصيوني
ابن حماد