2979عايف خيرها(صلاة الشيباني )حله ابوفيصل صح لسانه

(( نشبت الشيباني فصلاة التراويح ))
جاء واحد من الشيابين جالب معه جلب من حلاله ، وإنه يسمع المسجد يقول "الصلاة جامعة".
وكما في الحديث " إذا سمعتم الدعاء فلبوا "
قام وصَّا واحد على حلاله ، قال أبغا أصلي لي ركعتين مع جماعة المسجد
والحلال وداعة الله ثم وداعتك . سأله الوديع : أنت وش تعوِد ، قال له شيباني ودخل المسجد.
والتراويح طولت ،، والشيباني باله مشغولٍ على حلاله ، ويبى يؤدي من الفروض
اللي عليه
صلى أول ركعتين ويوم سلم الامام ، سلم الشيباني بعده
وبعد نهض بيمشي

وإن الامام يقول "الله أكبر"
نظر خلافه لقي الصفوف مقفله عليه
الحاصل ، كل ما نهض بيمشي ، قال الامام "الله اكبر"
والصفوف من وراه كلها مكبره مع الامام ما عاد له درب يخرج
وبين تقفيلت الصفوف ، للطريق ، وتكبيرته مع الامام
سِمِع الوديع اللي عند الحلال يصيح عليه ،، ياالشيباني ياالشيباني
قال الشيباني ( يانشبت الشيباني فصلاة التراويح ) . أثره قالها جهراً ، وإنها فسموع جماعة المسجد ، وهم يقطعون صلاتهم من الضحك.