يانايف الاوضاع ماهي بتحتاج / وقفه وصبر وخطة عالميه

يانايف الاوضاع ماهي بتحتاج
وقفه وصبر وخطة عالميه
اللي بدى بإحراج يستاهل احراج
واللي بلا تقدير ماله حميه
الطيب لو يصرف بنينا به ابراج
واصبح سوات النير والا طميه
لكن عليه اليوم تمثيل وإخراج
وضحكات ناس وقصة ديرميه
احد طواه الهم ويدور افراج
واحد عشان القرش يسرق سميه
واحد يبي له طب وحلول وعلاج
واحد على ماجاه يبغى اقدميه
مادامت الدنيا على كل منهاج
ولا كل من يرمي يصيب الرميه
ولا كل ماتخفيه بالصدر به ناج
ولاكل زخات المطر موسميه
من لا بنى للمرجله بيت وابراج
ماهو بعايش لو خذا حاتميه
الطيب فيه الناس صامل وهراج
وكل حسب مرباه ماهي دميه


عبدالعزيز مناور الرويثي الحربي