ديوان خليفه محمد المزروعي

يقول :

!!!خليفه المزروعي!!!
بعدما حصل سوء تفاهم بسيط
كان المتسبب فيه شخص انا حقيقه ما اعرفه ويمكن ابو احمد كذلك.
المهم اطلعت بعدها علی الاتي
مما كتبه اخوي وصديقي خليفه.

أرجوك لاتزعل وصدرك يضيقي
أناتراني ماحتمل يوم ضيقتك

أنته وأنا ربي جمعنا إفطريقي
بس البلا وألمشكله ليش لفتك

أناترا لن قلت قولي حقيقي
الله زرع في وسط قلبي مودتك

إن غبت عني وش يساوي فريقي
فريق كامل مانرا غير حضرتك

حملت قلبي حمل مايستطيقي
بهمومنا نشري مع الناس ضحكتك

خل للعشم فيكم شوية بريقي
وأنته عميل الطيب دايم سجيتك

إنت الوحيد اللي في زماني صديقي
ودنياي ماتسوا تراها بفرقتك

وقيس البحر قدام وقع الغريقي
وهاذي نهاية حجتي هات حجتك


!!!رد علي الشيخ!!!

لا ضايقن صدري ولا جف ريقي بيني وما بين الزعل عن ملامتك


مسافةٍ مــا اظنــــها تستضيقي
لو حاولوا تحجيمها حسب هقوتك

مديت لك حـــبل الصداقه وثيقي على النقا فيما يوثق صداقتك

كنت احسبك مثلي عليها شفيقي لكن مدري وين الافكار ودتك

عدوانــك اليا ولعوها حـــــريقي انا على يمناك من روس فزعتك

ما يدرق عن صلوها الا الرقيقي واللاش والخايب وحكم قناعتك

ولو القلوب النــــايمه تستفيقي
من نومها عن باقي الناس كفتك

ولــــو ما تلفق لك تهايم لفيقي
ما تتهم قـــدام تـــثبت ادانتــــك

قلنا امنعوا عنــا اللسان الطليقي بعد صبرنا ايام وارجع لذمتك

والا اكشفوا عنه الغطـا يا شقيقي = لكنـــها مرت عليك وتعدتـــك

لاصرت في روس النوايف مويقي
وجتك السهوم الحاقده لو هي اخطتك
وصديت عنها والحقوك اللــحيقي واقرب قريبٍ لك يشكك في نيتك

هذي بداية حجتي يا رفيقي واللي بقا منها مضامينها جتك

جنبتها عن كل ما لا يليقي
خاتم عليها ختم علمي سلامتك