ديوان خليفه محمد المزروعي

يامحسن الجلسه على طيب الفال
ومسطرات دلال ووجيه طلقه
ولشعر دور ن مع رياجيل الأمثال
ورفقة رجال الدين والعرف رفقه
والعرف يشرا من رياجيل عقال
النفس من بعض ا لسواليف تفقه
وياك من رفقة هل القيل والقال
صفقاتهم فالناس هي شر صفقه
اشرورهم فالمجتمع سم قتال
كم عقبو فالناس فرقه و حرقه
النذل نذل وفسحته عند الأنذال
ماله مع اهل الخير هيهات طرقه
خوة قليل المعرفه شبكة احبال
يضحك بسن وطبقته شر طبقه
هذا الصحيح وللموازين عدال
الغرب غرب وشرقة الشمس شرقه
...خليفة المزروعي...