خادم بيوت الله نسل المشاكيل - مرثية بالملك عبدالله رحمه الله

الله من قلبن غدت به همومه = من فاجعه بالمجتمع جات بالليل
هي صاعقه جتنا وماهي رحومه = اقوا من اللي عقبها ياتي السيل
جانا الخبر ياناس مقوا عزومه = ليته اشاعه من كلام التهاويل
راعي المنام اللي تهنا بحلومه = طارت حلومه من علوم المراسيل
في ليلة الجمعه تتالت علومه = يبكي اليتيم وللارامل ولاويل
وتبكي له الامه وتفقد سلومه = من ديرة المغرب ليا ساكن النيل
والشرق الاوسط اكتسى في هدومه = من الحزن يلبس ثياب الغرابيل
أسباب موت اللي يغربل خصومه = خادم بيوت الله نسل المشاكيل
ياليت يوم اللاش من قبل يومه = لاكن قضى الرحمان مافيه تعديل
جاه اللذي لابدً ترمى سهومه = الموت مابالموت حيله وتأجيل
مرحوم يامن مات وسدًد لزومه = ذاك المليك العادل موفًي الكيل
محبوب من شعبه وربعه وقومه = تشهد على حبه نفوس الرجاجيل
أعزًي الاقراب وشعب وحكومه = ومالوم من دمعه سواة الهماليل
اللي بكى ياناس منهو يلومه = متوارثين الحب جيلً بعد جيل