2728 لغز يرحب بالجميع.. محلول من سيف الضافي صح السانه

السلام عليكم ورحمة الله وبركاته

وش الذي مبسوط ياسيف مبسوط =مبسوط للِّي جاه والجو صافي
كلمه وكلمه جات في قول مضبوط =ما لايكلّف كل ضيفٍ ولافي

صح لسانك يابو فيصل وبيض الله وجهك والحمدلله ان عنوان اللغز للجميع والا بغينا نتوهق ترى اللغز اللي قبل هذا حليته بالصدفة لا تحطني براسك ترى ماني قدك لكن ما دام الدعوى فيها / ياسيف ابحاول وابذل جهدي قبل غيري .
بسم الله نفتح الباب ونقول ( قولهم - فلان مع من غلب - يعني الامعه وانتم بكرامة ) .

ورمعة ثانية قبل الليل
( قولهم - البساط احمدي )

صح بدنك ياسيف اللغز لو كان مسند لك انت قد المهمه

لاشك من يحل الصعب شاعر ولكن ذكرت لك كلمه تقول ماني شاعر

وحطيت اللغز للجميع ، وعجل بالحل ياسيف قدام تجيه الدواهي

ماااالك لواا

الله الله الله

الرمعه اللاحقه >> تقصف اللغز قبل تثبيته ماشاء الله عليك ياسيف


صح فكرك وتفكيرك (( البساط أحمدي )) بيض الله وجهك

تحياتي لك ولمن لم يلحق على اللغز

تحياتي

الحمد لله وله المنه الذي وفقني للحل وهالمره ترى ماهي صدفة بل رمية من يد رامي وفقه الله واستجاب لدعوته . باللغز السابق .
وعلى فكرة ترى الرمعة الاولى كانت للتموية والمباغتة والخداع .
صح بدنك يالعطاوي لغز جزل مثل راعية .

وعليكم السلام ورحمة الله وبركاته

صح السانك يابو فيصل على اللغز الجزل

وصح السانك ياسيف الضافي على الحل المثالي

	المشاركة الأصلية كتبت بواسطة سيف الضافي

	الحمد لله وله المنه الذي وفقني للحل وهالمره ترى ماهي صدفة بل رمية من يد رامي وفقه الله واستجاب لدعوته . باللغز السابق . وعلى فكرة ترى الرمعة الاولى كانت للتموية والمباغتة والخداع . صح بدنك يالعطاوي لغز جزل مثل راعية .

واقول هذا من حسن تدبيرك كفى الله شر تدميرك

مواريها استجابه ان شاءالله ، بعدها بحتاط واَخذ الحيطه

صح بدنك يابوعلي لاهنت على مرورك العذب

احترامي