الهواجيس كلِ حسب ميزانه

ياسلامي وباب اهل الفسح مفتوح=والهواجيس كلِ حسب ميزانه
المعاني سوات البارق اللي يلوح=والبنادم يخيل البرق بأعيانه
مضحي بن جمران
مرحبا والعطاشا ماتجي وتروح=جال هداج ثم ترد عطشانه
شربها من قراحٍ له يرد الروح=ولاخبرنا تصدر منه ضميانه
طلال المعبدي
للبقا ياهجوس الشاعر الطحطوح=يالله انك تحفظ فلان لأخوانه
بعض خلق الله الليلة سفينة نوح=باج موج المحيط وراح في شانه
مضحي بن جمران
فوق هد ف الجرايد حمام الدوح=لحصله سلامه كوسر الحانه
حادثه ذي تشابه قصة المبحوح=ماتبين لحد اليوم من خانه
طلال المعبدي
هيه يابن علي ويش أنت من مسروح=لامتبري ولاأفرح لعدوانه
أبك مثلي هواجيسه طبيب جروح=يحزنه لو تجي مابين حيانه
مضحي بن جمران
زمة البندقيه يابعيد الشوح=ركد الرمي لجل تصيب نيشانه
هوشكم يالحضارم كلبوه مزوح=دام كلٍ يلجلج وسط دكانه
طلال المعبدي
انت لاتحسب اللي يلعب معك اللوح=زمها خير لاتعود فكرعانه
اليتيم إن نهمته مات ياناصوح=أنصحه من فضل مثلك واحسانه
مضحي بن جمران
ليش صدرك سوات القدر قام يفوح=انتبه للجبل لايثور بركانه
مالنا باليتيم ولقمته مصلوح=لقمته ماتعدا حوذ حنكانه
طلال المعبدي
الزعل والغضب وقت الفسح مسموح=مابك ألا جواب رجال حمقانه
كان ماتعلم الممنوع والمفسوح=رد ليه خيول الحرب وأرسانه
مضحي بن جمران
اعرف ان الخطر وقت اللقاء مطروح=ساعة ينظر المديون ديانه
معركه وضعها قدم الملا مشروح=كسبها مايرد لناس خسرانه
طلال المعبدي
ذا السنه ذا السنه رد البرا مذبوح=خوف يرمي عقيد القوم فرسانه
وإن زعلتوا فأنا ماني قصير اشبوح=باذل الحق وأرضي كل زعلانا
مضحي بن جمران
الدواء مر ولايخلى من الذرنوح=ولاهو مصروف غير لناس مرضانه
مازعلنا وراسك بالسمن ممسوح= سقت نصف اليمين وجتك مليانه
طلال المعبدي
راعي المقدرة ليته عفا ممدوح=والخطأ ينحسب زوده بتركانه
بعد ضاقت محاريفك ترى مدموح=مايسفط فمثلك زلة لسانه
مضحي بن جمران
الخطوط السريعه دربها مبروح=سيب عنك كرا وطوال ضلعانه
والظفيره عزلنا سلكها المجروح= بس موترك به خذفه بسكانه
طلال المعبدي
مانجيب المعاني وجهها مسفوح=يوم كلٍ يغني حسب هوذانه
مير لا خلت بارق قول له سبوح=الله يقطع ظما الظامي فمرحانه
مضحي بن جمران
غبة البحر تبي غايصٍ سابوح=غايصٍ فاز في دره ومرجانه
ماطردنا على الحروه لميع الضوح=يوم بعض الخلايق تقل عميانه