للعيد فالاسلام فرحه لحاله

،،

للعيد فالاسلام فرحه لحاله=حديث من راعي الكتاب المنزل
صلى الله وسلم علية وعلآله=وصلى ملايكته وأمرنا بما صل_
تَزَاحُم كتوف الرياجيل ؛ طاله=ولا زاحم كتوف الرياجيل في ظل
فالخير ، من يارد تُوَرَّدْ حباله=والحبل بين الوصل والنقض والفتل
وبدٍ على اللاما ضواري رِجَالِه=سبعٍ بمخلابه على الصيد حول
مجالهم مابدلوا في مجاله=وكلاً على ساير ربوعه ليا هَلْ
لا قيل قِربْ العيد كلاً وفى له=ومن له قديمة حيثما كان ؛ ينزل
وظفرٍ طوى بيته ونوخ رحاله=داعي ضعونه عيد ربعه ، تَرَاَحّلْ
أتم صومه بين عمه وخاله=وأظهر زكاة المال فيهم ، ولا زل
مُثلِجّ بما أقفى ، مُبتَدِرّ ما بقى له=حمَّدّ وشَكْرّ كبر الله وهلل
وأقبَلْ على البندر ، بهلت هلاله=لابد ما يلزم ويُهدَى ويُرسَل
ودَوْرّ عميل اهل الوفا والشكاله=والاولويه في لزومه للأجزل
الطيب والكمبود والفال فاله=سَنَّدّ ودَرَّجْ ايتفرج ويسأل
للهيل والبن اليمان وحكاله=ابتاع له كل الذي معه يُحكل
ومغدِق على الرسلان وطَقمْ البياله=مغدِق لذي أمواله إدلال وإبْيَل
وفَرّشّ المجالس للضيوف ؛ الجلَاله=فَرّشّ الاثير امن المفارش ومن زل
بعد مطاليب الصغار الجهاله=ومطالب إل روحه وجَمَّلْ وحَمَّلْ
يعنى ولا يترك لزوم يعناله=يمشي ركاده ، ما نسي غير مِعجلْ
ودعى من أهل السوق راعي حِماله=حمّال كل ما إبتاع له إيتحمَّلْ
فالله حباه وعزز أمره ... خِلاله=وأصبح على ما الله حباه المُؤمَل
الله جبل طبعه على ما يشا له=لو ما تعَرّفِه ، تَعّرِف إنه مبجل
مبجل الهيئة وهيبة وهاله=وزاده على التبجيل صدق التعامل
لإبتاع ما يلزم ، يقلل جداله=لا هو شحيح ولا بخيلاً ويبخل
فإكرام ذاته من شهاير فعاله=لا قال يفعل وإن فعل قال ما قل
ومر المزيِّن ثم زين سباله=لاحفها بحفوف ولاهو بمسبل
يُفرِح مجيه كل من كان ايسآله=أحضر مطاليب الجميع وتجمل
وأخذ من اتلا ليلته ما يبا له=و وقت النداء كنه جواداً لياأصهل
كبْرّ مع اهل العيد ونور حِلاله=ودعا لبوس إجداد وثوباً مفصل
وسيَّرّ قِدَمْ ، لا ريِّض ، ولا عجاله=مؤمن لا غر الصف الاول تململ
لا غادر المشهد ولاجا في باله=ألا متأخر يوم غيره تَعَجَّلْ
مِثني على ربه جمايل فعاله=زاهي جديد ثيابه ، غير المصقل
واليا انصرف متواضعٍ ما وطى له=من صادفه سلَّمْ ، ولا زل مازل
مِقبل على بيته ، موني وصاله=مولي وصاله لآ ل بيته ، الأأوصل
ولاإنحرف من عندهم ف إبتهاله=عايَد على الجيران وجمّلْ وكملْ
وشارك ربوعه وزعته من رياله=همال نوه كالمطر كلما هل
حافل بحفل العيد يوماً ولاله=والعُرب بالأعياد لابد تحفل
من سابق أيامه عدواً لماله=دايم محل الجود للمال ممحل
كارُه على الطالات لو هو لحاله=ف المنزلة دايم تلاقيه الاول
مطنوخ ما كن اف زمانه بداله=ولاجادت أرحام النساء يوم بمقل
ريف الجماعة كان خيل خياله=وظلٍ لهم من حيث ما حوْل الظل
ما يحضر ألا في محل الرجاله=طبعه على المجد التليد المطول
وليا حضر للعيد يحضر عياله=كنه يقول إفعل كذا دوم واعمل
تشهد له دروب الوفا من عَمَاله=والله ... له المسند ومِسقي و مِكِّلْ
كسَّاب للناموس ورث السلاله=مراجله عيت على من تمرجل
يا الله مثله تكتب إله الإطاله=وإعفي عنه وعافيه وإغنيه وإدبل
لجله نموذج للمراجل مثاله=ومثله ما بين أمثاله ايعد الامثل
تنشر له البيضا وكلٍ دعا له=يستاهل البيضا وكيف المهيلْ
عبرت من بالي فظل الرسالة=ولاكل ما يطري على بد يحصل
ألا على بدٍ ضواري رِجَالِه=سبعٍ بمخلابه على الصيد حول
وصلى الله وسلم علية وعلآله=وصلى ملايكته وأمرنا بما صل

وسلامتكم