الجيش؟لغز مجهول صاحبه!؟

أنشدك عن جيشٍ ع الحرب ظارين
....... فريّسهم قدام و شيوخهم خلف
تشكيلهم يبدأ على شكل قوسين
....... متقابلين وكلهم بالوفاء حلف
أفعالهم بالخصم مثل الطواحين
....... ماشالوا البارود ولا حملوا شلف
ثمانية منهم على الخصم طاغين
....... وشيوخهم ستة على ماقفٍ جلف
إليا مرض واحد تشاكوه باكين
....... من ناحية خوه ومن ناحية ولف
الغز جا لا احد الاخوان عن طريق الوتس واسألني عنه وحليت واعجبني في صياغته
وتم نقله هنا

الله يعافيك الكحيلة على اللغز
الله العالم انه حول السياره

الاسنان ياكحيلة حرب

أنا بنشدك عن جيش وقت الطلب موجود=يجيه الغزو في داره وهو ماراح عن داره
مكون من رجاجيل وحريم تبدي المجهود=يشتت ماوقع بين الصفوف ولا حصل غاره

أختي الكحيله هذا لغز نفس حل اللغز اللي تم طرحه لاأعرف صاحبه ( الحل مثل ماتفضل راع الذود صح إلسانه ) ولاهنتوا الجميع

	المشاركة الأصلية كتبت بواسطة فايزموسى البشري

	الله يعافيك الكحيلة على اللغز الله العالم انه حول السياره

يعافيك مستشارنا
ومالك
لوا..
واللغز حله راعي الذود صح السانه

	المشاركة الأصلية كتبت بواسطة راعي الذود

	الاسنان ياكحيلة حرب

صح السان على الحل لاهنت

ونعم هن الاسنان

	المشاركة الأصلية كتبت بواسطة الاجرد

	أنا بنشدك عن جيش وقت الطلب موجود=يجيه الغزو في داره وهو ماراح عن داره مكون من رجاجيل وحريم تبدي المجهود=يشتت ماوقع بين الصفوف ولا حصل غاره أختي الكحيله هذا لغز نفس حل اللغز اللي تم طرحه لاأعرف صاحبه ( الحل مثل ماتفضل راع الذود صح إلسانه ) ولاهنتوا الجميع

صح السان على الحل لاهنت

ونعم هن الاسنان

الالغاز تتشابه بالمعنى ولكن الصياغة تختلف
وحسب روية الشاعر وثقافته