حبيب + صياف(حيل الله أقوى مامعي غير ابا أختار)

الليل ياصياف ياشايب الراس= مادامت الدنيا و لاعاشو الناس
أما تعيش سنين و تموت لاباس=هذا الصحيح و قولوا اللي تقولون
ياشاعر السحمان أنا أدعيلك قبل= أما تطول شوي و إلا تقصراء
صياف شاعر و له بالشعر خبره= و أنا كما الدكتور في دق الإبره
لاقل مجهودي و لاقل صبره=هذا الصحيح و قولوا اللي تقولون
وش رايكم فالصخره اللي فالجبل=ندفها قدام و تعود وراء
أنته حبيب ماقدرنا نسميك = دلموك عند الناس مثل الدلاميك
و بردان فوق النار نبغاء نحميك=هذا الصحيح و قولوا اللي تقولون
اللي تجينا منك تاخذها دبل= و تجيك مدسوسه و ملفي مادراء
أنته قريت الخط ماحال حولك= و أيضا تجر الصوت و الناس حولك
و النار لاسمعوا سوالفك جولك=هذا الصحيح و قولوا اللي تقولون
الظاهر أن الورع فالليل أنهبل= سراء في نصف الليل ليته ماسراء
عقلك يغيب أيام و يحضر ايام= هذا السنه و العام و اللي وراء العام
اتحرك يدينك على مشي الاقدام=هذا الصحيح و قولوا اللي تقولون
أنا أعرف أنك لاحكيم و لاخبل= يعني بدون مجامله عقرب ثراء
حيل الله أقوى مامعي غير ابا أختار=فالصبر و إلا أقول صياف سحار
لايضمن الجنه و لايضمن النار=هذا الصحيح و قولوا اللي تقولون
المشكله فالسانيه و إلا الحبل= اللي تجر الغرب و الغرب إنفراء
أنته لياجيت البنادم حفلته= و الباب الاول يالعتيبي قفلته
ولو يستوي للأكل يمديك أكلته=هذا الصحيح و قولوا اللي تقولون
بكره نزورك فالقرين و فالعبل=و إلا نزورك فالمحاني و القراء
أنته مع العربان مالك مواجيب =إلا لياجويت شيب المحاجيب
و إلا تشب النار روس المراقيب=هذا الصحيح و قولوا اللي تقولون
غاب القمر و أنته تدور لك جمل=تبأ تشيل البدو و البدو إقطراء

بيض الله وجهك

يعطيك العافيه على المحاوره الرائعه...
بارك الله فيك ...
تحياتي

يعطيك العافيه

الله يعطيك العافية

الله يـعـطـيـك الـعـافيـــــــــــة
بيض الله وجهك