لكلمة شقيق الشعب قيمه ومقدار

الاخوه الاعضاء هذه قصيده تعبر عن نفسها

لكلمة شقيق الشعب قيمه ومقدار =مثل المزون اللي تبل المعاطيش
كلمة صدوق ولا عن الصدق معذار =واصدق صدوق من البشر صفوة قريش
وتناقلتها اصدق قنوات الاخبار = الا قناة العالم تحط تشويش
حاكم بلد مسلم وعادل ومغوار = واخوانه احرار الرجال المداغيش
واللي يسافر في بعيدات الاقطار = حتى ايش من مايشوف بالكون حتى ايش
يشوف فضل الوالي اللي حمى الدار = والنعمه اللي في وطنا بها نعيش
ارض الحرمين اشرف بقاع وديار= وترابها من يد محتل مانيش
فيها المواطن ماشكى غبن وامرار = وما طاع بالحاكم هروج الدراويش
بامن ورخا من وين ماوجه وسار = يشرب وياكل مهتني باطيب العيش
ممن على الخمس الضرورات وان صار = عافاك ربك وش تبي غيرها ويش
لاصرت ماتخطي ولاتسبب اضرار = محد يتعرضلك ولا يقول لك ليش
حر وتجي وتروح من ضمن الاحرار = وفي حكم شرع الدين مابه بخاشيش
والفضل لله ثم للعاهل البار = اللي موحدها على الخيل والجيش
والخير في كل القبايل والاخيار = اهل المواقف مبعدين المطاريش

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك يالحب الباقي
ووجهك ابيض

بيض الله وجهك يارامي وصح لسانك عبرت عن كل مواطن سعودي مخلص

لك فائق تحياتي وتقديري

الشاعر
راااامي الجهني
صح لسانك وعتلا شانك
نص جزل وراااااائع

صح لسانك مليون على القصيده
قصيده جزله من شاعر جزل
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة