أبيات أهديها لهذا الملتقى المحبوب

بسم الله الرحمن الرحيم

السلام عليكم ورحمة الله وبركاته

أول مصافحه شعريه لهذا الملتقى الغالي ملتقى القوافي

اَمل ان تنال استحسان الجميع

سلام الله سلامي ياسلامٍ مبتدا فحواه =على ارجال الوفا والطيب مايقْصر مدى حبره
أحـيِّي كـل رجالٍ ثبت بأيمـانه وتقـواه =يصــافحـنا على الراي السـديد وياخــذ العـبره
أنا حصّلت لي جمعٍ تعيش أوطان في رجواه =وجيت أضم صوتي له ولي في نبرته نبره
شبابٍ من فراغه ملْ ياللي تستمع شكواه =يعاني من ظروف السّعوَده والوقت يختبره
يذكّرنا زمانٍ فات ذيبٍ قام يجر اعواه =وحاضرنا شبيهه بالحلا والمر والصِّبره
ولا وابوي لادقّت نواقيس الخطر وابْواه =ورفرف ياعلم دامٍ مراقيب العِلا سبره
أنا ماشفت لامْفهِّي ولامْفوّه وساع أفواه =زحول رجال صم جبال وجبر الحال من جبره
ولا ياكم من حرٍ تكاشف للمطير أجواه =ليا ضاقت وساع البيد في عينه مشَلْ ابره
ونا أدري لو تدهْوَر وضعه وصار الذي دهْواه =تشوم اِلـ عاهلٍ له في تجاريب الدهر خبره
ابومتعب ليا جت للمفاخر نفخر بشرواه =تعلّق فيه أمال وكل أملناّ فيه نعتبره
حكيمً يبخص اعراض الزمان اللي تلاشا ادواه =عسى عمره طويل ومن معه بالراي والدبره
رفيع الذات ماعمر انحنا للوقت لويقواه =على الطالات ودروب المراجل وافيً شبره
مقامٍ للرجوله والمعان الطيّبه تهواه =تجيه أغلا القصايد طوع ماهي فيه منجبره
وباقي موجز التفصيل عندي منتهى فحواه =تجيك ابها المشاعر هيْض ماينقص مدى حبره

العطــ أبوفيصل ـــاوي

صح السانك وبيض الله وجهك
قصيدة جزلة من جزل

حياك الله بوفيصل
وصح السانك وسلم بنانك

ابو فيصل

كتبت فأبدعت صح اللسانك

الله يحفظ ابو متعب ويصلح له البطانة

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

والله يابوفيصل عندك دهاء شعري
وحبك وصخر تسلم وصح لسانك اخوي
ابو فيصل

نديم المجره

صح بدنك وابيض وجه

الاستاذ غازي ابقاك الله

وصح بدنك تسلم

صح بدنك يااستاذ بخيتان البشري

لاهنت مشكور

ابداع لاشك
قصيدة رائعه صح لسانك
لاهنت ولاهان مقامك